ПРАТЕНИЦИТЕ ЌЕ ГО ИСТРАЖУВААТ СКАНДАЛОТ НА ОНКОЛОГИЈА

Пратеничката Рашела Мизрахи ќе биде претседтелка на Анкетната комисија што ќе ја формира Собранието за скандалот на Онкологија.

Денеска тоа ќе се утврди на седницата на Собраниската комисија за финансирање и буџет, која треба да се одржи во 11.30 часот.

Ова било договорено на координација меѓу пратеничките групи од власта и опозицијата, така што се очекува предложените имиња од опозицијата да поминат на денешната седница на Комисијата.

УБИСТВОТО ВО КОЧАНИ Е ФЕМИЦИД

Случајот  на фемицид, најтешкиот вид на родово базирано насилство, кога во Кочани жена беше избодена до смрт, иако претходно го пријавувала сторителот за уцена и барала заштита, Основното јавно обвинителство Кочани го квалификуваше како убиство на свиреп начин, со што се потврдува фактот дека институциите сѐ уште не го препознаваат родово базираното насилство, посочува Платформата за родова еднаквост.

ЗАЕВ СЕ ВРАТИ НА БИХАЌКА

Синоќа на Бихаќка на заедничка маса со највисокото раководство на СДСМ седнал и поранешниот лидер Зоран Заев.

Дали е тоа после подолго време, не знаеме, но факт е дека ваква среќна заедничка фотографија одамна не беше јавно објавена.

Фотографиите на фејсбук лично ги сподели и првиот човек на Владата и СДСМ, Димитар Ковачевски, но и самиот Заев, веројатно како приказ на тоа дека владејачката партија повторно се сплотува и ги збива редовите пред наредната изборна година.

ЧИТАЈТЕ УШТЕ

Саемите за трговија и индустрија во Шангај даваат импресивни перформанси, и се постигнати нови рекорди.

Селаудин Арифи останува со 74 отсто од капиталот на кичевската млинско-пекарска компанија „Жито Караорман“.

Дрин Ахмети, внукот на лидерот на ДУИ, Али Ахмети, стана управител на бизнис центарот „Соравиа“ во Скопје, откако беше објавено дека една од неговите фирми претходно треба да добие сопственички удел во овој деловен комплекс.

Барем еден дел од долгогодишниот проблем на луѓето со дијабетес тип 1 е завршен. Во Макдонија пристигнаа 700 сензори наменети за децата до 18 години, дечињата со слепило и трудниците. Во разговор за Фактор, претседателот на Сојузот на здруженијата на дијабетичари, Диме Велев потврди дека пациентите се веќе повикани и од следната недела ќе почнат со обуки како да се користат сензорите.

Бугарската фирма „Грејстон“ за прв пат е одбрана да снабдува гас за ЕСМ за производство на топлиснак енергија од топланите Исток и Запад за загревање на Скопје во текот на месец октомври.

Земјоделците велат дека мораат да ги прскаат овошјето и зеленчукот, за да ги заштитат од болести и штетници, но се трудат да одржуваат некој баланс, да не претеруваат со употреба на пестициди.