ПОЖАР ВО ФАБРИКА ВО ТЕТОВСКО

Голем пожар избувна околу 10 част и 30 минути во магацин на трговска фирма со материјали за електротехника и железарија во близина на тетовското село Фалише. Во гаснењето на пожарот интервенираат пожарникарите од тетовската територијална противпожарна единица. 

Од Центарот за управување со кризи, посочуваат дека на лице место се упатиле и нивни екипи, заедно со директорот Стојанче Ангелов.

ПОЧИНА ПАЦИЕНТКАТА КОЈА ГО ПРИЈАВИ АПТЕКАРОТ НА ОНКОЛОГИЈА

Почина Минка Веизовска, пациентката која го пријави аптекарот од Онкологија дека ѝ барал мито за биолошка терапија.

Таа утрово почина на Пулмологија. Нејзиното семејство вели дека ова треба да биде поттик да има правда за случајот. 

Судскиот процес против аптекарот од Клиниката за онкологија, Калтрин Уштеленца, за кој имаше наводи дека барал мито за да обезбеди биолошка терапија ќе продолжи и покрај тоа што почина пациентката Минка Беизовска којашто го обелодени овој случај. 

АХМЕТИ СЕ ОБРАТИ НА МАКЕДОНСКИ

Али Ахмети, лидерот на ДУИ, на одбележувањето на 115-годишнината од Битолскиот конгрес и Денот на албанската азбука во Битола во својот говор се обрати и на македонски јазик.

Тој на премиерот Димитар Ковачевски и претседателот Стево Пендаровски, кои присуствуваа на настанот, им порача дека Албанците стојат рамо до рамо со Македонците кога е во прашање македонскиот јазик.

„Почитуван претседател, почитуван премиере, ние не стоиме позади вас туку рамо до рамо со вас за вашиот мајчин јазик – македонскиот“, порача Али Ахмети.

ЧИТАЈТЕ УШТЕ

Млаки па дури и ладни радијатори, но и загревање кое почнува премногу доцна, после седум или после седумипол часот наутро. Ова се најчестите поплаки од граѓаните кои пристигнаа во нашата редакција.

Само свињите имаат светла иднина! Јаболка и грозје речиси и да нема, производството на домати преполовено, а исто е со овците и јагнињата, но и со производството на мед. 

Гигантот за тoпење никелова руда Еуроникел Индустрис во моментов троши струја преку операторот на електропреносниот систем МЕПСО и прави дебаланси во мрежата, со неизвесност кој на крај ќе ја плати фактурата.