АПЕЛАЦИЈА ГИ ПОТВРДИ КАЗНИТЕ ЗА ЈАНЕВА И БОКИ 13

Апелациониот суд Скопје, постапувајќи по кривичниот предмет познат во јавноста под името „Рекет“, донесе одлука со која жалбите на обвинетиот Бојан Јовановски од Скопје, обвинетата Катица Јанева од Скопје и на Основното јавно обвинителство за гонење организиран криминал и корупција, ги одби како неосновани, а првостепената пресуда ја потврди, соопштија денеска од Судот.

Информираат дека вака донесената одлука ќе биде објавена во целост на веб страната на судот во рокот определен со Законот за управување со движењето на предметите во судовите.

ДЕНЕС 15 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 2.550 тестирања, а регистрирани се 15 нови случаи на КОВИД-19:

Скопје – 10, Куманово и Дебар – по 2, Тетово –  1.

Регистрирани сe 6 оздравени пациенти од:  Скопје – 5 и Тетово – 1.

Не се регистрирани починати лица.

ДЕЛТА СОЈОТ СЕ ШИРИ ВО РЕГИОНОТ

Секој трет заразен со коронавирусот во Бугарија е од делта сојот. 

Главниот здравствен инспектор Ангел Канчев, на денешниот брифинг во Министерството за здравство на Бугарија, изјави дека има промена во трендот на ширење на вирусот, јави дописникот на МИА од Софија. Канчев изјави дека е запрено намалувањето на новозаразени и дека сега секое трето лице е заразено со делта сојот. Постепено ќе го зголемуваат бројот на случаи во јули, а многу побрзо во август.

Доколку се почитуваат рестриктивните мерки при граничната контрола, може да се забави ширењето на делта сојот, што веќе доминира во повеќе од 50 проценти од случаите во Европа.

Тој истакна дека меѓу земјите со најголема инциденца во моментот земјите со активен туризам – Кипар, Шпанија, Португалија и Грција.

ЧИТАЈТЕ УШТЕ

Атмосферската појава во Битола е метеоролошка појава која е позната под името тромба или пијавица и е еден вид на торнадо,  но со слаб интензитет, вели метеорологот Пеце Ристевски, за она што се случи во селото Живојно.

Скопски обвинител четири години го држи предметот во кој МВР, по пријава од Централниот регистар (ЦР), споредувајќи ги базите на податоци на ЦР и на „Таргет груп“ утврдил индиции на криминал опишан во член 251 од Кривичниот закон. Според МВР има индиции дека „Таргет груп“ неовластено навлегувал во системот на Централниот регистар.

Во новиот закон за легализација кој сега го подготвува Министерството за транспорт и врски откако еднаш годинава под притисок на јавноста и откако утврди дека е неуставен, претседателот Стево Пендаровски не го потпиша указот, ќе се опфатат објекти кои се изградени од март 2011 до пред јануари 2021 година, односно во последните десет години.

Христо Кондовски, еден од најпознатите бизнисмени во Битола е во потесниот круг на СДСМ за избор на кандидат за градоначалник на градот, дознава Фактор од свои извори. Нашите соговорници коментираат дека ако се случи ова, ќе значи дека СДСМ за Битола одлучила да игра на сигурна карта, затоа што Кондовски во градот го сметаат за бизнис икона.