ПОЧНАА РАЗГОВОРИТЕ ЗА РЕКОНСТРУКЦИЈАТА НА ВЛАДАТА

Откако ВМРО-ДПМНЕ во Струмица ја одбележа 36-годишнината од основањето, владејачката партија денеска и утре води разговори за реконструкција на Владата.

„Со оглед на тоа што разговорите се во рана фаза и станува збор за чувствителен процес кој бара сериозен и одговорен пристап, во овој момент не би навлегувале во дополнителни детали“, рекоа денес од Владата.

Според првичните брифинзи со медиумите, предвидени се средби на маса со политичките партии ЗНАМ и Влен.

Поранешниот претседател на ФФМ, Илчо Ѓорѓиоски, доби 30-дневен притвор од судијата на претходна постапка, поради обвинението поднесено против него од Обвинителството за гонење на организиран криминал за наводна проневера на околу 2 милиони евра.

Притвор од 30 дена доби и Олгица Младеновска, раководителка за финансиите за време на неговиот мандат, која исто е меѓу осомничените за овој криминал.

ПОДНЕСЕНО Е ОБВИНЕНИЕ ЗА УБИЕЦОТ ОД СТАРО НАГОРИЧАНЕ

По завршена истрага Основното јавно обвинителство Куманово денеска поднесе Обвинителен акт против 25-годишен жител на Старо Нагоричане осомничен дека извршил четири кривични дела – Убиство од член 123 став 2 точка 4 од Кривичниот законик, како и два обиди за убиство од истиот квалификуван облик.

Бидејќи со умисла лишил од живот повеќе лица, согласно член 123 став 3 од Кривичниот законик, му се заканува казна затвор од најмалку 10 години или доживотен затвор.

ПОЧИНА ЕДЕН ОД ОБВИНЕТИТЕ ЗА ПОЖАРОТ ВО „ПУЛС“

Љупчо Грнчиштанов, едно од лицата обвинети во предметот поврзан со трагедијата во Кочани, почина на 54-годишна возраст.

Јавното обвинителство е известено за случајот. Според првичните информации, на Грнчиштанов му се слошило во домашни услови, по што починал. Основното јавно обвинителство Скопје ќе издаде наредба за обдукција.

ЧИТАЈТЕ УШТЕ

Големо намалување на бројот на активни граѓани, а паралелно со него се намалуваат и бројките на вработени, невработени и неактивни граѓани во Македонија. Пазарот на труд континуирано се намалува, а последните податоци на Државниот завод за статистика покажуваат дека најголем пад има кај вработените. 

Поранешниот претседател на Фудбалската федерација на Македонија, Илчо Ѓорѓиоскји, добил 1,8 хектари (18.000 метри квадратни) насад за лешници во долината помеѓу Валандово и Гевгелија пред да биде објавена вчерашната информација дека е уапсен во истрага на Обвинителството, Управата за финансиска полиција и МВР.

Владата планира нова набавка за снимање, фотографирање и промоција на проектите финансирани од државата. Генералниот секретаријат бара фирма која во следните 18 месеци ќе изработува видео и фото содржини, текстови, графики и план за објавување на владините проекти. 

Додека очите се вперени кон Швајцарија каде треба да продолжат директните преговори меѓу САД и Иран за ставање крај на војната на Блискиот Исток, постојано се следат цените на берзите за основните енергенси, при што Европа се соочува со уште една енергетска и ценовна криза. 

Државната компанија АД ЕСМ од почетокот на следната година нема целосно да ги покрива потребите на универзалниот снабдувач ЕВН Хоум. Следната година, наместо досегашните 100 проценти, ќе обезбедува најмногу 70 отсто од потребната електрична енергија за домаќинствата и малите потрошувачи.