ПЕНДАРОВСКИ ВЕЛИ ДЕКА ЛИЦА ОД СОСЕДНИ ЗЕМЈИ СЕ ДОЈДЕНИ ДА ПРЕДИЗВИКААТ ИНЦИДЕНТИ

Претседателот на државата, Стево Пендаровски вели дека луѓе од други земји се дојдени во Македонија со цел да испровоцираат инциденти.

Тој интервју за Тв 21 изјави дека Руската федерација го злоупотребува тоа што граѓаните легитимно протестираат против францускиот предлог. 

„Имаме неколку дузини луѓе кои се дојдени од некои од соседните држави и кои се обидуваат да испровоцираат инциденти на протестите. Не се наши државјани“, вели Пендаровски.

МИЈАЛКОВ СЕ СПОГОДИ ЗА „ИМПЕРИЈА“

Екс шефот на Управата за безбедност и контраразузнавање, Сашо Мијалков призна вина и се спогоди со Обвинителството за организиран криминал за случајот „Империја“. Тој е осуден на 3 години затвор и ќе треба да исплати 6,1 милиони евра во кеш за уделот во хотелот Мериот. Одземен му е и имот во вредност од околу 30 милиони евра.

ВО ГРЦИЈА УАПСЕНИ СЕ МАКЕДОНСКИ ДРЖАВЈАНИ ЗА ШВЕРЦ НА ДРОГА

Тројца државјани на Северна Македонија, двајца мажи на возраст од 34 и 35 години и 21-годишна девојка, во средата се уапсени на грчкиот остров Миконос, под обвинение за трговија со дрога, јави дописничката на МИА од Атина.

ЧИТАЈТЕ УШТЕ

Инфлацијата забрзува, а ако продолжи темпото на раст и на забрзување на поскапувањата ни се заканува дополнителна економска криза, но и можни социјални немири. Ова го посочува економистот Здравко Савески, кој за Фактор потенцира дека неизбежни се мерки кои ќе го сузбијат растот на цените на производите. 

Државната комисија за спречување на корупција и судир на интереси го објави анкетниот лист на народниот правобранител Насер Зибери, а таму има имот кој сумирано може да се вреднува на милион евра.

Кредитните пласмани на банката надминаа 800 милиони евра што е за 12 отсто подобар резултат од претходната година. Воедно Халк банка до крај на 2021 година во хартии од вредност пласирала вкупно 135,4 милиони евра

Во хотелите во Македонија има сè повеќе работници на возраст околу 50 години. Персоналот го дополнуваат и млади кои одат во средно училиште, а преку лето сезонски работат во туризмот. Но, недостигаат кадри на возраст од 25 до 45 години. 

Една од димензиите на народните протести против „францускиот предлог“ е и визуелниот идентитет, силно изразени преку зборот „НЕ“. Зад повеќето од нив стои македонскиот дизајнер Ласко Џуровски, кој е инспириран од новите неправди со кои се соочува Македонија. Тој редовно објавува илустрации кои ја претставуваат состојбата со негациите, но се и израз на револт и достоинство.