ПОЧНА ВАКЦИНАЦИЈАТА БЕЗ ЗАКАЖАН ТЕРМИН

Почнувајќи од денеска, вакцинацијата против Ковид-19 ќе се спроведува без закажан термин. Здравствените власти се одлучија на ваков чекор со цел да се забрза вакциналниот процес сега, во период кога делта варијантата го зазема приматот во повеќе европски земји. 

Некои од граѓаните кои досега се двоумеа, или заради разни причини не стигнаа да се вакцинираат, сега посочуваат дека ќе појдат во некој од здравствените домови за да ја примат првата доза од вакцината против корона вирусот.

На вакциналните пунктови во неколкуте скопски поликлиники, каде од денеска почна вакцинацијата против корона вирусот без закажување термин, се создадоа гужви од голем број граѓани кои дошле да ја примат првата доза. Директорот на Здравствен дом-Скопје, д-р. Виктор Исјановски за Фактор посочува дека вакцинацијата без закажување нема да трае само ден-два, напротив, вакциот начин ќе продолжи и понатаму.

ЗА ДЕЦАТА ЌЕ ТРЕБА ДА СЕ ЗАКАЖЕ

Вакцинацијата на децата од 12 до 16 години сепак ќе мора да се закажува на страницата www.vakcinacija.mk, информираше денеска министерот за здравство, Венко Филипче, кој беше во посета на во поликлиниката Шуто Оризари, каде и таму беше отворен вакцинален пункт.

ЗА 24 ЧАСА ИМАМЕ 5 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 1.749 тестирани, а регистрирани се 5 нови случаи на КОВИД-19:

Тетово – 3 и  Скопје  – 2.

Регистрирани сe 6 оздравени пациенти од: Велес – 2, Скопје, Прилеп, Тетово и Пехчево- по 1.

До крајот на летото можеме да се надеваме на колективен имунитет.

СИТЕ ОЧИ СЕ ВПЕРЕНИ КОН БУГАРИЈА КАДЕ СЕ СУМИРААТ ИЗБОРНИТЕ РЕЗУЛТАТИ

На 98,92 отсто од пребројаните гласови, Слави Трифунов од „Има таков народ“ го презеде водство од лидерот на ГЕРБ, Бојко Борисов. 

Бугарската социјалистичка партија (БСП) останува трета со 13,51 отсто од гласовите. Следна е „Демократска Бугарија со 12,56 проценти.

ЧИТАЈТЕ УШТЕ

Повеќето охриѓани се револтирани затоа што во неколку наврати партијата на екс бугарскиот министер за одбрана, Красимир Каракачанов, ВМРО-БНД во рекламни спотови го претставува нивниот град како дел од бугарското наследство. Велат дека ова е обид за присвојување на дел од македонската историја.

До октомври годинава треба да се избере компанијата која ќе има најповолна понуда и ќе ја гради Пречистителната станица за отпадни води во Скопје, вели во разговор за Фактор, Душко Весковски, директор на ЈП Водовод и канализација. Летен период е и често има прекини на водоснабдувањето, а Весковски тврди дека додека бил на чело на претпријатиетео доста се вложило во модернизација, а тие активности траат и сега.

Фондот за пензиско и инвалидско осигурување го објави годишниот извештај за 2020, според кој бројот на осигуреници за кој се плаќа придонесот се намалил за 10 илјади на крајот од минатата година. ПИОМ тврди дека ова најмногу се должи поради новонастанатите услови во пандемијата.