СТАРТУВАШЕ ПРВАТА ФАЗА ОД ПОПИСОТ

Од денес 1 март стартува првата фаза од попишувањето кое ќе се одвива до 21 април.

Околу 5055 реонски попишувачи и 506 реонски инструктори ќе го прават попишувањето кое денес стартува во затворите, дипломатските и конзуларни претставништва, потоа на дијаспората, бездомниците и припадници на АРМ во странство.

ГЕОРГИЕВСКИ Е ПОДГОТВЕН ДА ДЕБАТИРА ЗА ОНА ШТО ГО ПРЕДЛОЖИ ЗА МАКЕДОНСКО - БУГАРСКИОТ СПОР

Мислењето на Љубчо Георгиевски за решението околу актуелниот македонско- бугарски спор е негово лично мислење. Ние ниту некогаш сме преговарале ниту ќе преговараме за националниот идентитет. Тој е загарантиран со универзалните права и е прашање кое е јасно и недвосмислено, вели денеска премиерот Зоран Заев прашан за коментар околу ставовите кои Георгиевски ги искажа викендов јавно. 

Додека јавноста се разбранува за неговите гледишта, Георгиевски денеска повторно се јави. Вели:

ЗА ЕДНО ДЕНОНОЌИЕ ИМА 234 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 1.208 тестирања, а регистрирани се 234 нови случаи на ковид-19 во:

Скопје – 99, Прилеп – 26, Кавадарци – 19, Куманово – 17, Струмица – 15, Неготино – 9, Тетово и Кочани – по 7, Гостивар – 6, Штип и Велес – по 5, Охрид и Гевгелија – по 4, Струга – 3, Виница – 2, Битола, Крива Паланка, Дебар, Делчево, Берово и Пробиштип – по 1.

КОЦАРЕВ РЕТЕРИРАШЕ  ЗА УКИНУВАЊЕТО НА КАТЕДРАТА ПО МАКЕДОНСКИ ЈАЗИК

Љупчо Коцарев, претседателот на МАНУ, изјави денеска дека се радува што се покажале како неточни неговите тврдења дека се укинува Катедрата по македонски јазик и македонска книжевност на Филолошкиот факултет „Блаже Конески“ при УКИМ во Скопје.

„Се радувам што на Филолошкиот факултет не постои и никогаш не постоела идеја за укинување на катедрите за македонски јазик и книжевност. Посакувам во идните реорганизации на Факултетот, рамо до рамо со различните отсеци, секогаш да бидат вклучени и отсеците за македонски јазик и јужнословенски јазици и за македонска книжевност и јужнословенска книжевност. Сите досегашни изјави и текстови поврзани со ова се мои лични изјави, со една единствена цел, заедно и достоинствено да ја прославиме годината на Блаже Конески“, изјави, за Канал 5 академик Коцарев. 

Тој претходно ја разбранува јавноста, а посебно универзитетските кругови, со тврдењето за укинување на Катедрата по македонски јазик.

ЧИТАЈТЕ УШТЕ

Добра вест за акционерите на „Макпетрол“ е тоа што компанијата и покрај бројните негативни ефекти од „корона кризата“ лани успеа да заврши со 5,7 милиони евра нето добивка иако пандемијата, карантините, полицискиот час и бројните ограничувања и неизвесности „изедоа“ 100 милиони евра приходи. 

Дури 9,1 милиони евра се уште не си подигнале штедачите од Еуростандард банка, кои имаат влогови до 30.000 евра и чие обесштетување оди преку четири банки за сметка на Фондот за осигурување на депозити.

Банките да постапат согласно одлуката со која времено им се забранува да делат дивиденда од ланската добивка очекува креаторот на оваа мерка, регулаторот на пазарот – Народната банка. 

Владата проценува дека 17,54 милиони евра ќе чини проектот за јавно приватно партнерство за воспоставување интегриран систем за управување, мониторирање, следење и контрола на акцизни добра и лекови со кој во иднина треба да се врши поефикасна наплата на данок, односно акциза.

Вакцинацијата вака или онака се спроведува несекаде во светот, некаде повеќе, некаде помалку, во зависност од тоа колку владите успеале да набават вакцини.