ПОЧНА ОБУКАТА ЗА ПОЖАРНИКАРИ

Дирекцијата за заштита и спасување (ДЗС) информира дека денеска почна обуката на кандидатите кои се јавија на владиниот јавен повик за превенција од пожари.

Според директорот Стојанче Ангелов, сите кандидати кои биле избрани ги исполнувале критериумите и истите по завршување на обуката ќе бидат распоредени таму каде што е најпотребно.

Претседателот на противпожаниот сојуз очекува кандидатите да ја поминат обуката која покрај Скопје се одвива и во 12 други градови каде ќе се обучат 364 кандидати кои потоа ќе бидат распоредени по општините од кои доаѓаат.

ПОЛИЦИЈАТА ГИ НАЈДЕ МОМЧИЊАТА КОИ СЕ СНИМАА КАКО ВОЗАТ ВОЗИЛО БЕЗ ТАБЛИЧКИ НА ПАРТИЗАНСКА

МВР објави дека се поднесени пријави против момчињата кои дивееја со автомобил по скопските булевари, а при тоа едниот играше качен на хаубата, а другиот ја отвори вратата додека возилото бше во движење.

При тоа, возачот на автомобилот немал возачка дозвола, а возилото било без регистарски таблички, како што откриваат од полицијата.

УБИСТВО ВО БОЛНИЦАТА ВО БАРДОВЦИ

Осуденик за убиство со шише отепал осуденик за семејно насилство во психијатриската болница во скопски Бардовци, извести МВР.

„На 05.08.2025 во 01:38 часот во СВР Скопје било пријавено дека околу 00.50 часот во Јавната здравствена установа „Психијатриска болница Скопје “ во Бардовци, во соба на судскиот оддел, настанала физичка пресметка помеѓу осудениците Д.С.(35) од Неготино и И.Т.(62) од с.Љубанци, скопско. Притоа, од ударите со стаклено шише И.Т. паднал во бесознание, по што бил пренесен во Ургентен центар при Комплекс клиники „Мајка Тереза“, каде што во 02.20 часот починал. Лекар констатирал смрт, а по наредба на јавен обвинител телото на починатиот било дадено на обдукција. Д.С. е задржан во собата каде се случил настанот“, објавено е во денешниот полициски билтен.

НА ДРЖАВНАТА МАТУРА ОВАА ГОДИНА ПРОСЕЧНАТА ОЦЕНКА БИЛА ПОВИСОКА

Министерката за образование Весна Јаневска објави дека просечната оценка на успехот од полагањето на двата екстерни испита од државната матура во јуни е 3.69.

Тоа е просекот од вкупните резултати од јунскиот испитен рок во кој пријавени за полагање биле 15 004 матуранти од сите видови образование (гимназиско, стручно, уметничко) и на сите наставни јазици. 

ПОЛИЦИЈАТА УАПСИ КУМАНОВЕЦ КОЈ САКАЛ ДА ВНЕСЕ ТРАНСПАРЕНТ НА НАТПРЕВАРОТ

Полициски службеници од Секторот за внатрешни работи (СВР) Куманово денеска уапсија триесетгодишен кумановец што се сомничи дека за време на полувремето на кошаркарскиот натпревар во Куманово се обидел да внесе транспарент со навредлива содржина.

По расчистување на случајот против него ќе следи соодветен поднесок.

ЧИТАЈТЕ УШТЕ

Двете најголеми деловни банки во доминантно странска сопственост - Стопанска Банка и НЛБ Банка, од оваа година ќе платат многу повисок данок за државата, што може да се види по отчетот за рабoтењето по првата половина од 2025.

За долгорочна финансиска стабилност, се препорачува третина од заштедените пари да се инвестираат во обуки, доедукации, семинари и други видови на надградба.

Министерството за внатрешни работи потпиша рамковни спогодби од речиси 280 илјади евра со пет фирми, а за храна која  за во бифе на МВР Скопје, одмаралиштата на МВР во Крани, Пониква и Охрид и по потреба Крушево и Струмица.

фото ДЗС