СУСПЕНЗИИ ПО БЕГСТВОТО НА ЗАТВОРЕНИКОТ

По филмското бегство на затвореник, изречени се суспензии. 

Суспендирани се командирот и четворицата полицајци кои го спроведувале Беким Мемети, затвореникот кој успеа да го украде пиштолот од полицаецот, да пука во него и да избега од возилото додека го носеле на лекар. 

Одлуката за суспендирањето на затворските полицајци и командирот е донесена по спроведениот вонреден надзор, потврдуваат за МИА од Министерство за правда.

Министерството за внатрешни работи денеска објави меѓународна потерница за Мемети Беким. Тој има „дебело“ досие. 

Лидерот на Левица, Димитар Апасиев поради овој случај ги искритикува кадрите на власта. 

ПРОТЕСТ СО БАРАЊЕ ДА СЕ НАЈДЕ РЕШЕНИЕ ЗА КУЧИЊАТА СКИТНИЦИ

По настанот во Струга, каде беа убиени улични кучиња, денеска се одржа протест пред Владата. 

Aктивистите за заштита на правата на животните денеска протестираа откако пред три дена стружанец со ловечка пушка уби 10 кучиња. Бараат властите да преземат мерки за решавање на овој проблем.

„Решението на проблемот е во отворање на ветените државни шелтери за вдомување на бездомните кучиња, да се воведе задолжителното микрочипирање на милениците, како и задолжителната стерилизација односно кастрација на милениците, која за помалку од три години би го решила проблемот со кучињата скитници“, рекоа активистите на протестот.

РУСКИ ПОЛИТИЧАР ВЕЛИ ДЕКА ПУТИН НЕМА ДА ГО ДОЧЕКА СЛЕДНИОТ РОДЕНДЕН

Рускиот опозициски политичар во егзил Илја Пономарев верува дека рускиот претседател Владимир Путин нема да ја дочека следната 2024 година.

Пономарев беше член на руската Државна дума од 2007 до 2016 година, а сега е во Украина, каде што има државјанство, предводејќи го опозициското движење за кое се надева дека Русија ќе ја трансформира во функционална демократија.

ЧИТАЈТЕ УШТЕ

Од неделата Кина започна да управува со КОВИД-19 со мерки наменети за борба против заразни болести од класа Б, наместо заразни болести од класа А.

Никако да се расчисти дилемата зошто компанијата задолжена за набавка на гас за загревање на скопјани реши да плати поголема сума пари за овој енергенс, и тоа во услови кога нејзината цене на берзите не престанува да се намалува.

Катализатор на позитивното расположение кај инвеститорите е тоа што „се шушка“ дека „Комерцијална банка“ (за работењето во 2022 година) ќе ја исплати највисоката дивиденда до сега... Овие триесетина дена ќе биде интересно

Се огласи државната ЕСМ околу набавката на гас од бугарската компанија Балкан Јутилитис.

Повредениот затворски полицаец, кој настрада синоќа при грабнувањето на затвореникот од „Идризово“ има прострелни рани и итно е пренесен на Клиниката за анестезија реанимација и интензивно лекување-КАРИЛ, каде што се сместуваат пациенти во најтешка здравствена состојба.