ФАКТОР НА ДЕНОТ: Петков е во посета на Македонија, го почитува македонскиот јазик, а Бугарија го признава краткото име
ПЕТКОВ НА СРЕДБИ СО МАКЕДОНСКИТЕ ПОЛИТИЧАРИ
Македонскиот премиер Димитар Ковачевски на својата прва средба со својот бугарски колега Кирил Петков во Скопје објави дека од денеска како прв чекор во новата ера на добрососедски односи Бугарија го прифаќа краткото уставно име на Македонија.
- Македонците и Бугарите се два блиски и пријателски народи, денеска се согласивме дека влегуваме во интензивна динамика на преговорите. Бугарија од денеска го прифаќа краткото име Северна Македонија подеднакво како Репувлика Северна Македонија. Бугарија нема да ја кочи повеќе употребата на краткото име меѓунардно. МНР испрати вербална нота во ОН во која се потврдува дека двете имиња се еднакво валидни и дека тоа нема никаква имплицација врз територијалниот интегритет на Бугарија, рече Ковачевски.
За македонскиот премиер ова претставува прв поголем чекор во, како што вели тој, „нашето ново поглавје“.Бугарскиот премиер Кирил Петков денеска се сретна и со лидерот на ВМРО-ДПМНЕ Христијан Мицкоски.
Мицкоски се задржа на истите позиции кои се и претходно јавно познати, информира партијата.РОТ БАРА ПРИЗНАВАЊЕ НА МАКЕДОНСКОТО МАЛЦИНСТВО
Бугарија да го признае македонското малцинство, како што Македонија го признава бугарското, вели актуелниот германски пратеник во Бундестагот и поранешен министер на Германија за Европа, Михаел Рот.
Пораката ја упати на социјалните мрежи и ја поздрави денешната средбата на двајцата премиери, Димитар Ковачевски и Кирил Петков.Македонското малцинство во Бугарија реагира за односот на бугарските, но и македонските власти кон нив.
„Би било голем срам и предавство доколку Македонија се откаже од своите сонародници во Бугарија“, велат од ОМО Илинден Пирин за Сител.РЕКОРДЕН БРОЈ ЗАРАЗЕНИ СО КОРОНАВИРУСОТ
Министерството за здравство информира, согласно податоците од Институтот за јавно здравје дека во последните 24 часа:
Направени се 7.038 тестови, а регистрирани се 2.269 нови случаи на КОВИД-19:
Скопје – 1.169, Битола – 183, Прилеп – 165, Куманово – 88, Кавадарци – 56, Гевгелија – 48, Охрид – 44, Тетово – 43, Струмица – 35, Кочани – 34, Гостивар, Велес и Кичево – по 33, Ресен – 32, Струга – 31, Неготино – 26, Крива Планка, Радовиш и Берово – по 24, Делчево – 19, Валандово – 15, Демир Хисар – 14, Свети Николе и Кратово – по 13, Штип и Крушево – по 11, Македонски Брод – 9, Виница и Македонска Каменица – по 8, Пехчево – 7, Пробиштип, Богданци и Дојран – по 5, Демир Капија – 1.
Од вкупниот број на позитивни (2.269), регистрирани се 310 реинфекции.ЧИТАЈТЕ УШТЕ
Слично
Поврзани вести
