ПУКАЊЕ ВО СКОПЈЕ

Oд полицијата велат дека во врска со пукањето кон две лица од огнено оружје кое беше пријавено денеска (24.10.2023) во трговскиот центар Ист Гејт во Скопје, кои се здобиле со повреди и се пренесени во болница за укажување помош, МВР ја информира јавноста дека на фотографијата обезбедена од полициските служби е лицето што го изврши кривично-правниот настан.

„Притоа, ги повикуваме сите граѓани доколку го забележат ова лице, имаат било какви сознанија за него или корисна информација која може да помогне во истрагата која СВР Скопје ја води во координација со Јавен обвинител, веднаш да известат во најблиската полициска станица или да пријават на  телефонските броеви 192 или 112“, велат од полицијата. 

ПЕТ НАШИ ГРАЃАНИ ЧЕКААТ ЕВАКУАЦИЈА ОД ГАЗА

Неколку наши државјани чекаат евакуација од Појасот Газа. Петмина македонски граѓани, меѓу кои две деца чекаат да бидат евакуирани од Појасот Газа. 

Станува збор за брачна двојка и татко со две мали деца. Мајката на децата, која е палестински државјанин има издадена виза. Ова го изјави идниот македонски амбасадор во Тел Авив Шпенд Садики. Тој денеска реферираше пред пратениците на Комисијата за надворешни работи во Собранието.

Издадени се патни листови за децата кои немале пасош, а мајката на децата е палестински државјанин и за неа е издадена виза.

МЕЧКА НАПАДНА ЧОВЕК ВО ПЛАСНИЦА

Мечка вчера го нападна 76-годишниот Минче Рамчески, жител на селото Пласница. Директорот на Центарот за управување со кризи (ЦУК), Стојанче Ангелов се сретна со човекот кого го нападна мечка. 

И МУХАМЕД ЗЕЌИРИ Е ОПФАТЕН СО ИЗМЕНИТЕ НА КРИВИЧНИОТ ЗАКОНИК

Судењето на поранешниот генерален секретар на Владата Мухамед Зеќири денеска се врати на почеток поради измените во Кривичниот законик, со кое сега му се предвидува казна затвор од 1 до 5 години, за разлика од претходно, кога му се ставаше на товар кој предвидуваше минимална казна затвор од 5 години а максимална 20 години.

ЧИТАЈТЕ УШТЕ

За набавка, транспорт, монтажа, он-лајн систем за мониторинг и резервни делови на нов енергетски трансформатор од турско производство МЕПСО ќе плати 4,9 милиони евра. Станува збор на 400/110 kV трансформатор од 300 мегаволт ампери. Ист таков трансформатор МЕПСО пазарил кон крајот на 2019 година од словенечкиот производител Колектор Етра за 2,9 милиони евра.

Најголемата бугарска компанија за онлајн обложување Телематик Интерактив Бугарија влегува со бизнис одлука во Македонија.

Во релативни бројки во овој период го држиме под 60 отсто од вредноста на бруто-домашниот производ, со што сме во границите на Мастришките критериуми, но во апсолутни суми факт е дека тој неумоливо расте од квартал во квартал, од година во година.

Од среда, само еден воз дневно ќе сообраќа на релација Скопје – Битола и обратно. Битолчани велат дека намалувањето на линиите секако негативно ќе влијае на дел од нивните сограѓани, кои патувале со воз кон главниот град.