ФАКТОР НА ДЕНОТ: Пендаровски бaра неколку лица, меѓу кои и Џамбаски да добијат забрана за влез
ПЕНДАРОВСКИ ПОБАРА ЗАБРАНА ЗА ВЛЕЗ ЗА ЏАМБАСКИ
Шефот на државата, Стево Пендаровски по состанокот на Советот за безбедност во Вила Водно денеска побара да му се забрани влез на бугарскиот европратеник Ангел Џамбаски. Пендаровски не го именуваше, но рече дека се работи за „европратеник од Бугарија“.
„Мој предлог до Владата кој го изнесов и на седницата е согласно одредбите на Законот за странци да му забранат влез во нашата држава на еден пратеник од Бугарија во Европскиот Парламент и на неколку други лица, државјани на Република Бугарија заради дејствијата кои порано ги преземале и сѐ уште ги преземаат против нашата држава. Законските услови за изрекување на таква мерка постоеле и порано и сѐ уште постојат. Тоа се трите, според законот ги цитирам, закана за јавниот поредок, закана за националната безбедност и закана за меѓународните односи на Република С. Македонија“, изјави Пендаровски.Кога ќе бидеш слободен прошетај до Ваташа, му порача македонскиот претседател Стево Пендаровски, на бугарскиот министер за надворешни работи, Николај Милков.
Таму е извршен масакарот на 12 млади лица во 1943 година. Ова доаѓа по изјавата на Милков кој кажа дека во Македонија се враќа традицијата на палење, стрелање и насилство врз луѓе. Пендаровски вели дека изјавата е грозна.ЗАТВОР ЗА МИЈАЛКОВ И ТАЧИ
Поранешниот директор на УБК Сашо Мијалков и лидерот на ДПА Мендух Тачи, заедно со поранешните членови на ДИК, Бедредин Ибраими од ДПА, како и Анета Стефановска, Влатко Сајковски и Сашо Срцев од ВМРО-ДПМНЕ добија по две години затвор за изборни нерегуларности.
Со новата, втора по ред осуднителна пресуда што ја донесе Основниот кривичен суд Скопје обвинетите се огласени за виновни за случајот „Титаник 2“.
Кривичното дело за Мијалков застарува во април годинава ако пресудата до тогаш не стане правосилна.ЗАПАДОТ ПРИТИСКА СРБИЈА ДА ГО ПРИФАТИ ПЛАНОТ ЗА КОСОВО
Србија се соочува со ултиматум, да го прифати решението за Косово кое се нуди.
Српскиот претседател Александар Вучиќ вечерва рече дека ако Србија го одбие планот, може да се врати визниот режим за српските граѓани, да прекинат преговорите со ЕУ, а се плаши дека и странските инвестиции можат да си заминат, кои како што рече вработуваат над 100.000 луѓе. Дека е тоа можно да се случи, го наведе примерот со Русија, каде како што рече, за 15 дена си заминале 99 отсто од странските компании.ЧИТАЈТЕ УШТЕ
Слично
Поврзани вести
