НА СКОПСКИТЕ УЛИЦИ СЕ ФРЛЕНИ 300 ТОНИ СОЛ

Градоначалникот на Скопје,Орце Ѓорѓиевски, го прогласи главниот град за исчистен и прооден за сообраќај,како и тоа дека се фрлени 300 тони сол на булеварите и главните улици кои влегуваат во рамки на надлежностите.

„Скопје, чисто и проодно!

Центарот за управување со кризи апелира до граѓаните да патуваат внимателно во текот на денешниот ден, ако тоа е неопходно, со доволно гориво во резервоарите, а секако и со соодветна зимска опрема за возилата на повисоките места и планинските превои, бидејќи е можно да се формираат навеви од снег и патните правци во одреден временски период да бидат непроодни на повисоките делници.

„Потсетуваме дека луѓето кои живеат во повисоките места навремено да се снабдат со основни намирници (храна и лекови) и се препорачува внимателно движење на пешаците, бидејќи е можна појава на голомразица.

ПОРАНЕШНИОТ ДИРЕКТОР НА ГЕРИЈАТРИЈА Е ОСУДЕН НА 4 ГОДИНИ ЗАТВОР

Основниот кривичен суд Скопје денеска му изрече затворска казна од четири години на поранешниот директор на ЈЗУ Специјализирана болница за геријатриска и палијативна медицина, Мухсин Арифи, и затворска казна од една година и десет месеци на Блерим Амити, вработен во установата, во случајот „Геријатрија“, поврзан со примање поткуп и награда за противзаконито влијание.

Судот ги огласи двајцата обвинети за виновни.

„При определувањето на видот и висината на кривичната санкција, Судот ги имаше предвид сите околности предвидени во член 39 од Кривичниот законик, кои се однесуваат на индивидуализацијата на казната. Како отежителни околности, судот ги ценеше видот, карактерот и тежината на кривичните дела, начинот на нивното извршување, условите под кои се сторени, како и фактот дека делата се сторени со цел стекнување материјална корист“, изјави судијката Ленка Давиткова при образложувањето на пресудата.

ТРАМП НЕМА ДА ВОВЕДЕ ЦАРИНИ ЗА ЕВРОПА, СО РУТЕ ЌЕ БАРААТ РЕШЕНИЕ ЗА ГРЕНЛАНД

Американскиот претседател Доналд Трамп изјави дека нема да воведува царини поврзани со Гренланд, по, како што наведе, „многу продуктивниот состанок“ со генералниот секретар на НАТО, Марк Руте.

Во објава на неговата платформа Truth Social, Трамп напиша дека „тие воспоставија рамка за иден договор во врска со Гренланд и, всушност, целиот арктички регион“.

„Врз основа на многу продуктивниот состанок што го имав со генералниот секретар на НАТО, Марк Руте, воспоставивме рамка за иден договор во врска со Гренланд, но всушност и за целиот арктички регион. Ова решение, доколку се постигне, ќе биде одлично за Соединетите Американски Држави и за сите земји-членки на НАТО“, вели тој.

ЧИТАЈТЕ УШТЕ

Владата објави оглас со кој бара кандидати за членови на управните одбори на три јавни претпријатија, но зачудува податокот дека рокот за пријавување на овие огласи траеше само пет дена. 

Секогаш кога синдикатите во земјава бараат повисоки плати, работодавачите се жалат на ниска продуктивност, а од синдикатот на ова враќаат дека нашите работници се продуктивни во странство, но за повисоки плати. Работниците кои работеле во странство, ги прашавме каде биле попродуктивни, дома или во друга земја.

Интернационалниот синџир на супермаркети Spar ќе ги ребрендира Кит-Го маркетите во Македонија, но има понуда и до Тинекс да ги преземе хипермаркетите на овој гигант од малопродажбата, неофицијално дознава Фактор.

фото Фејсбук/Орце Ѓорѓиевски