ФАКТОР НА ДЕНОТ: Османи вели дека се работи за шпекулации, Ејупи нема да биде конзул во САД
ОСМАНИ ПОЈАСНИ ДЕКА ЕЈУПИ НЕМА ДА БИДЕ ИСПРАТЕНА ВО САД
Не постои предлог за испраќање на Бесмира Ејупи во конзулатот во САД, тврди шефот на дипломатијата, Бујар Османи.
Вели дека тие информации се шпекулации.
„Уште вчера портпаролите демантираа. Ние имаме конзул во Њу Џерси, Јордан Панов и тој има мандат до 2023 година. Не можам да кажам зошто тие нецелосно информации излегоа од затворената седница на Владата, затоа што изнесување информации од таква седница е казниво со закон“, изјави Османи во гостувањето на Дневникот на ТВ Сител.
Вели дека сите имиња за конзули и дипломати, додека не се добие потврда од земјата каде што се испраќаат, се доверливи и не можат да се објават.
ОБЈАВЕН Е ПРОТОКОЛОТ ЗА ЛЕКУВАЊЕ НА КОВИД
Препораките или протоколот за лекување на корона вирус од денеска и официјално се објавени на страницата на Министерството за здравство, но како што на прес-конференцијата информираше претседателот на Комсиијата за заразни болести д-р Александар Петличковски, ова претставува само водич, но не е обврзувачки.
-Освена што препораките за лекување на корона вирусот се ставени на веб-страницата на Министерството за здравство, тие се дистрибуирани и до сите лекари. Оваа верзија на препораки е четврта или петта по ред од септември 2021, но како се доаѓа до нови сознанија, така и се менуваат протоколите. Препораките се за придржување до добра, докажана медицинска пракса при лекувањето на ковид. Состојбата е динамична, се случуваат промени.ДЕНЕС ИМА НАД 1.100 ЗАРАЗЕНИ СО КОВИД
Министерството за здравство информира, согласно податоците од Институтот за јавно здравје дека во последните 24 часа:
Направени се 3.513 тестови, а регистрирани се 1.117 нови случаи на КОВИД-19:
Скопје – 575, Велес – 63, Куманово – 56, Битола – 54, Кавадарци – 44, Струмица – 38, Кичево – 33, Тетово – 32, Прилеп – 29, Гостивар – 24, Охрид – 20, Радовиш – 17, Гевгелија – 16, Штип и Неготино – по 15, Кочани – 12, Струга и Дебар – по 11, Ресен – 10, Крива Паланка – 9, Кратово – 5, Свети Николе, Берово и Валандово – по 4, Делчево и Богданци – по 3, Виница, Пробиштип и Крушево – по 2, Демир Хисар, Демир Капија, Македонски Брод и Пехчево – по 1.БУЧКОВСКИ ВЕЛИ ДЕКА ВО 2020 ИМАЛО ШАНСА ЗА РЕШЕНИЕ СО БУГАРИЈА
Eкс специјалниот претставник на Владата за преговорите со Бугарија, Владо Бучковски изјави дека бевме блиску до решение со Бугарија кон крајот на 2020 година.
Вели дека иако повеќе не е вклучен во процесот на дијалог, но ќе се обиде да испрати порака ако е потребно.
„Тоа беше пред Новата година 2021. Бевме блиску до ставовите со либералниот дел од бугарската влада и тогаш беше планот 5+1. Енигма остана зошто спласна ентузијазмот од наша страна пред изборите кај нас“, изјави Бучковски во емисијата „Само интервју“ЧИТАЈТЕ УШТЕ
Слично
Поврзани вести
