МИЦКОСКИ ТВРДИ ДЕКА 20.000 ГРАЃАНИ ИМААТ ПО ДВА МАТИЧНИ БРОЕВИ

Џадин Адемовски лицето за кое се тврдеше дека е лажниот идентитет на член на турскатa мафија Џедат Пекер има практично два матични броеви. Едниот на негово име со адреса во Чаир, другото на извесен Џеладин Адемовски од Сарај. Двата матични броја се идентични во првите десет броја, а различни се само последните три броја. Аферата наречена Мафија 2 денеска ја обелодени лидерот на ВМРО-ДПМНЕ на брифинг со новинари. Од партијата тврдат дека имаат сознанија дека во Македонија постојат над 20.000 лица коишто имаат по најмалку два матични броеви. Демонстрираа примери како овој, во кои едно исто лице со два различни матични броеви го има два пати во избирачкиот список во земјава. Прашуваат дали овие лица со двоен идентитет можат да ги злоупотребат државните институции, банките преку отворање трансакциски сметки, но и за злоупотреби при кривична одговорност.

МВР ИЗЛЕЗЕ СО ОБЈАСНУВАЊЕ

Проблемот со двојните матични броеви почнал во 1981 година, најголем дел се поништени, велат од полицијата. 

Министерството за внатрешни работи по денешниот брифинг за медиуми на лидерот на ВМРО-ДПМНЕ Христијан Мицковски, ја информира јавноста дека ваквата појава започнала во 1981 година и дека по откривањето на истото, веднаш е пристапено кон поништување на овие матични броеви. 

ДЕНЕС ИМА ПОМАЛКУ ОД 900 ЗАРАЗЕНИ СО КОВИД

Министерството за здравство информира, согласно податоците од Институтот за јавно здравје:

Во последните 24 часа се направени 3.284 тестирања, а регистрирани се 890 нови случаи на КОВИД-19 во:

Скопје – 349, Битола – 68, Куманово – 59, Прилеп – 52, Тетово – 36, Струмица - 35, Велес – 32, Охрид – 29, Кавадарци – 27, Штип - 25, Кочани – 24, Кичево – 20, Гостивар – 19, Виница – 15, Гевгелија - 14, Неготино и Валандово – по 11, Струга, Свети Николе и Радовиш – по 9, Пробиштип – 7, Крива Паланка - 6, Ресен и Берово – по 4, Делчево и Демир Хисар – по 3, Богданци, Демир Капија и Кратово – по 2, Крушево, Македонски Брод, Пехчево и Дојран – по 1.

Регистрирани се 1.024 оздравени пациенти од:

Скопје – 464, Битола – 74, Куманово – 65, Прилеп – 60, Кавадарци – 51, Велес – 40, Гостивар – 27, Штип – 26, Тетово – 25, Струмица и Гевгелија – по 21, Берово –16, Кочани – 15, Кичево, Неготино и Валандово - по 13, Радовиш – 12, Ресен – 9, Свети Николе – 8, Крива Паланка – 7, Виница и Богданци – по 6, Македонски Брод и Дебар – по 5, Пробиштип, Демир Капија, Крушево и Делчево – по 4, Пехчево – 3, Кратово – 2, Дојран – 1.

СЕ ОДРЖА РОЧИШТЕ ЗА „МЕЃУНАРОДЕН СОЈУЗ“

Менаџерот на компанијата Дрим билдинг, Ресул Лога, денеска како сведок во кривичниот суд во Скопје на рочиштето за случајот „Меѓународен сојуз“ рече дека на обвинетиот Бојан Јовановски во кеш му исплатиле 350 илјади евра за да бидат дел од проектот за изградба на старечки дом.

„Дрим билдинг“ на сметката на „Меѓународен сојуз“ исплатил уште 15 милиони денари, а Лога рече дека тоа што ги гледале поранешните пратеници на СДСМ, Фросина Ременски и Александар Кирацовски, им влевало доверба дека проектот ќе успее.

НОН ПЕЈПЕРОТ НА ЈАНША ГО ВОЗНЕМИРИ БАЛКАНОТ

Во Словенија е објавен нон пејперот на премиерот Јанес Јанша, иако тој негираше дека постои таков документ. Словенечки портал „Нецензурирано“ го објави овој нон пејпер. 

Документот именуван како  „Западен Балкан - патот напред“ е примен во кабинетот на претседателот на европскиот совет Шарл Мишел во февруари, тврди словечечкиот портал, но истиот бил одбиен од Мишел.

ЧИТАЈТЕ УШТЕ

Фирмите што се жалеле за некоја јавна набавка, лани до Комисијата за жалби по јавни набавки уплатиле вкупно 107 илјади евра за водење на жалбени постапки, против одредени одлуки за избор на компанија за реализација на таа набавка. Ова, меѓу другото, може да се забележи од Годишниот извештај за работењето на Државната комисија за жалби по јавни набавки за минатата година.

Во моменти кога малопродажната цена на шише зејтин урива рекорди велешкиот производител  на масло за јадење „Кристал“ најавува дека на јавна понуда ќе продава 12,2 отсто од сите акции со право на глас и тоа по пазарна цена од 149 денари, која е за шест пати пониска од книговодствената вредност на акцијата н.з.

Откако почна процесот на имунизација против корона вирусот во Македонија се вакцинирани повеќе од 30.000 граѓани. На почетокот со 8.000 вакцини од производителот беа вакцинирани здравствените работници кои од почетокот на епидемијата се во најдиректен контакт со ковид-пациенти, а потоа вакцинацијата продолжи со вакцината Спутник V која исто така беше аплицирана на медицинските лица, како и со АстраЗенека, која по ретки случаи на тромбоза, кај нас се аплицира само кај повозрасната популација, односно со неа не се вакцинираат граѓани помлади од 60 години.

Владата повторно инјектира пари во државната компанија Национални енергетски ресури (НЕР). Комисијата за хартии од вредност за последната седница ја одобри деветта емисија на акции, со која НЕР АД Скопје ќе издаде 22.692 обични акции со номинална вредност од 100 евра по акција и вкупен номинален износ од 2.269.200 евра.

По Дојран, Агенцијата за промоција и поддршка на туризмот преговара и со други општини со цел да се обезбедат попусти и други олеснувања за српските туристи.