ОЈО МУ ПОДНЕСЕ ОБВИНЕНИЕ НА СТОЈАНЧЕ ЈОВАНОВСКИ

Јавен обвинител од Основното јавно обвинителство Скопје поднесе обвинение против Стојанче Јовановски, сопругот на Ивана Јованвоска и татко на Катрја. На него на товар му се ставаат три кривични дела – Телесна повреда од член 130 став 2 во врска со став 1 и во врска со член 45, односно телесни повреди сторени како продолжено дело на семејно насилство, потоа Загрозување на сигурноста од член 144 став 3 во врска со став 2 и став 1, како и кривично дело – Наведување на самоубиство и помагање во самоубиство од член 128 став 4 од Кривичниот законик.

- Обвинетиот, на 2 март на повеќе локации во Скопје, при вршење семејно насилство телесно ја поврeдил неговата сопруга. 

МИЦКОСКИ ТВРДИ ДЕКА МАКЕДОНИЈА ПОДОБРО СЕ СПРАВИЛА СО ПОЖАРОТ ОД ШВАЈЦАРИЈА

Премиерот Христијан Мицкоски вели дека Македонија подобро се справила од Швајцарија, во однос на пожарите во кои загинаа млади луѓе во дискотеки. 

На 16 март 2025 година настрадаа 63 луѓе во кочанската  дискотека „Пулс“, а на новогодишната ноќ на 1 јануари загинаа 41 лице во барот „Ле Констеласион“ во Кран-Монтана.

СЛОБОДАН ТРЕНДАФИЛОВ ПОВИКА НА МАСОВЕН ПРОТЕСТ

Утре е денот кога работниците повторно зборуваат. Колку ќе не слушнат зависи од нашата бројност. Ние ја имаме моќта на бројноста, тие ја имаат моќта на политиката, другите ја имаат моќта на парите, порача денеска претседателот на Сојузот на синдикати на Македонија Слободан Трендафилов потсетувајќи ги работниците дека „вредноста на синдикалната минимална кошничка во овие 24 месеци е зголемена за повеќе од 10.000 денари, наспроти усогласувањето кое го дава Владата од 1.600 денари“.

- Барањето за зголемување на минималната плата за 200 евра е оправдано затоа што работниците во Македонија тонат во сиромаштија. Околу 160.000 работници според податоци од Управата за јавни приходи имаат плата под прагот на сиромаштијата или под 31.200 денари, истакна Трендафилов.

ТРАМП ВЕЛИ ДЕКА ЦЕЛОСНО ГО УНИШТИЛЕ ТЕРОРИСТИЧКИОТ РЕЖИМ ВО ИРАН

Aмериканскиот претседател Доналд Трамп кажа дека е голема чест да се убиваат членовите на иранскиот режим.

Вели дека целосно го уништиле терористичкиот режим на Иран, воено, економски и на други начини. 

„Имаме неспоредлива огнена моќ, неограничена муниција и многу време. Веќе нема што да се гаѓа таму. Никој не бил така напаѓан од Втората светска војна наваму. Гледајте што се случува со овие пореметени ѓубриња! Тие убиваат невини луѓе низ целиот свет 47 години, а сега јас, како 47. претседател на САД, ги убивам нив. Колку голема чест е тоа“, напиша Трамп на својата социјална мрежа.

ЧИТАЈТЕ УШТЕ

На 28 февруари годинава изби нова војна во светот, односно САД и Израел го нападнаа Иран, и иако оваа војна се случува на илјадници километри од Македонија, граѓаните се загрижени од човечки аспект, затоа што ќе загинат многу луѓе, од економски аспект, затоа што и другите народи ќе трпат последици и безбедносно, размислуваат дека ако големите земја се на удар, тогаш што останува за малите држави.

Министерство за финансии објави оглас со кој се бараат кандидати кои би работеле во Управата за јавни приходи. Огласите се поставени на веб страната на Агенцијата за администрација, а во нив може да се види дека се бараат заинтересирани лица кои би работеле на различни места низ земјава.