ОД УТРЕ СЕ ВОВЕДУВА ПОЛИЦИСКИ ЧАС

Владата донесе одлука за полициски час, ќе трае 12 дена, а ќе се спроведува во тајмингот од 22 часот до 5 часот наутро.

Карантинот почнува од утре вечер и ќе трае до 22 март.

Ова го потврди премиерот Зоран Заев. 

Оливер Спасовски, министерот за внатрешни работи, денеска изјави дека полицискиот час од 22.00 до 05.00 часот како непопуларна мерка се воведува како резултат на групирањата и домашните веселби.

РЕГИСТРИРАНИ 872 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 3.394 тестирања, а регистрирани се 872 нови случаи на ковид-19 во:

Скопје – 459, Прилеп – 51, Кавадарци – 35, Куманово, Битола и Охрид – по 33, Тетово – 31, Гостивар – 28, Штип – 24, Неготино и Берово – по 15, Велес – 14, Крива Паланка – 13, Струмица и Струга – по 11, Крушево – 9, Демир Хисар – 8, Гевгелија – 7, Кочани, Радовиш и Пробиштип – по 6, Кичево, Ресен и Богданци – по 5, Свети Николе - 3, Виница, Валандово, Кратово, Демир Капија, Македонски Брод и Дојран – по 1.

Регистрирани се 412 оздравени пациенти од:

Скопје – 179, Охрид – 44, Струга – 34, Прилеп – 33, Куманово – 23, Тетово – 18, Битола – 13, Струмица – по 12, Гостивар – 10, Гевгелија – 8, Велес – 6, Штип – 5, Крива Паланка, Делчево и Пробиштип – по 4, Дебар и Кичево – по 3, Ресен, Виница и Кратово – по 2, и Неготино, Крушево и Богданци – по 1.

КАРАКАЧАНОВ ПОВТОРНО ПРОВОЦИРА

Кабинетот на претседателот Стево Пендаровски се огласи со реакција откако вчера вицепремиеорт на Бугарија, Красимир Каракачанов, објави честитка за 8 Март со географска карта од „Санстефанска Бугарија“ во која е опфатена и територијата на денешна Македонија.

„Претседателот Пендаровски, во однос на ваквите изјави кои доаѓаат од Софија секогаш укажувал дека претставуваат отворено кршење на Договорот за добрососедство и ја поткопуваат довербата меѓу двете земји и народи. 

Премиерот Зоран Заев и вицепремиерот Никола Димитров му одговорија на бугарскиот вицепремиер и министер за одбрана, Красимир Каракачанов.