ОД БУГАРИЈА ПОРАЧАА ДЕКА ЗА МАКЕДОНИЈА НЕМА ПЛАН Б

Бугарскиот министер за надворешни работи, Георг Георгиев вели дека за Македонија нема план Б. 

Вели дека Софија ќе се придржува кон договорот од 2022 и исполнувањето на обврските при преговорите за кластерите. Георгиев е категоричен дека Бугарија нема да престане да повторува дека усогласеноста со европските барања е она што е потребно за да се постигне напредок.

ПЕНДАРОВСКИ УПАТИ КРИТИКА ЗА ДОГОВОРОТ СО БРИТАНИЈА

Поранешниот претседател Стево Пендаровски вели дека Македонија во моментов има само меморандум за соработка со Обединетото Кралство, но не и договор за стратешко партнерство како што најавуваше актуелната влада

Во она што го видовме, нема ништо стратешко, вели во интервју за ДВ поранешниот претседател Пендаровски

ЗА ПАНЧО ЗАСЕГА НЕ СЕ ВОДИ ПОСТАПКА

Љупчо Коцевски, државниот јавен обвинител синоќа, упатува на тоа дека, поради сериозната здравствена состојба на Владимир Блажев – Панчо, член на музичката група ДНК, во моментов не може да се води кривична постапка против него.

Ова тој го изјави во интервју за Телевизија 24.

ЧИТАЈТЕ УШТЕ

Во време кога „здравиот живот“ преминува во култ, а социјалните мрежи ги наметнуваат стандардите за тоа што е „прифатлива“ храна, експертите предупредуваат на пораст на ново нарушување во исхраната, орторексија. Станува збор за опсесија со здрава храна која, иако на прв поглед изгледа како одговорно однесување, може сериозно да го наруши и физичкото и менталното здравје.

Кои земјоделци ќе можат да користат помош, колкава ќе биде висината на помошта, какви типови на помош ќе се доделува во секторот. Ова се дел од сегментите од новиот Закон за земјоделство и рурален развој кој веќе е поставен на веб страната ЕНЕР.

Операторот на системот за електрична енергија МЕПСО и покрај тоа што веќе се доволно високи, од април се зголемени, според информациите што ги доби „Фактор“, за 11,5 отсто за вработените во ова друштво.

Акционерите на прилепска „Витаминка“ одлучија колкава дивиденда ќе се подели за минатата година. Ако нето добивката на компанијата изнесувала 1,07 милиони евра, на акционерското собрание била донесена одлука таа да се подели отприлика по половина, односно малку поголемиот дел да се реинвестира, а извесен дел да им се подели како дивиденда на акционерите.

Над 200 милиони евра приходи од продажба на софвтер остварија најголемите 15 македонски ИТ компании, покажуваат официјалните податоци од ЦРМ за работењето на македонската софтверска индустрија минатата година.