OJO ГО ПРОВЕРУВА РАБОТЕЊЕТО НА „КОМУНАЛНА ХИГИЕНА“

Скопското обвинителство обезбедува докази за евентуално сторено кривично дело во ЈП „Комунална хигиена“, воедно го проверува и работењето на претпријатието, соопштија од обвинителството.

„Основното јавно обвинителство Скопје веќе постапува и презема дејствија за обезбедување докази за евентуално кривично дело. Јавниот обвинител издаде наредби до МВР и до други надлежни органи за итно постапување и проверки во однос на работењето на ЈП „Комунална хигиена“. Доставени се барања до комуналните инспекциски служби да извршат вонреден инспекциски надзор и да ја констатираат моменталната состојба, велат од ОЈО.

Претходно, вонредни надзори врз работата на „Комунална хигиена“, побара и владата.

Откако Влада побара од МВР да се испита случајот со ѓубрето и можен криминал во ЈП Комуална Хигиена, а ОЈО веќе најави deka ќе го проверува работењето на претпријатието, се огласи Данела Арсовска преку Град Скопје.

„Мицковски несреќо, на кого се закануваш? Те велича  Орце Самка Ѓорѓиевски дека си господ и си почнал да веруваш дека си семоќен? Политички прогон сакаш да правиш несреќо.

За ѓубрето низ Скопје е одговорна ТВОЈАТА криминална структура во Комунална хигиена на чело со Јулијана Спировска која е претседател на Управниот одбор (земи читај допис ако имаш време меѓу заканите и правење бизнис)

ОБВИНИТЕЛСТВОТО ГО ЗАМРЗНА ИМОТОТ НА БИЗНИСМЕНОТ МАРКОВСКИ

Основното јавно обвинителство Битола, преку Канцеларијата за поврат на имот во Јавното обвинителство на Република Северна Македонија, упати итно барање до надлежните органи на Република Србија за замрзнување имот – 10 нови товарни и приклучни возила набавени во 2025 година за правно лице со седиште во Белград за кое е утврдено дека има сопственичка поврзаност со бизнисменот Борче Марковски.

АПСЕЊА ВО ПРИЛЕП

Приведени се повеќе лица, се истражуваат злоупотреби со јавни набавки во Прилепската болница.

„По наредби и насоки на Основното јавно обвинителство Прилеп постапува Управата за финансиска полиција. Се преземаат дејствија во врска со постапка за наводи против повеќе лица за злоупотреби во работата прилепската болница. Дејствијата се преземаат во моментов, а повеќе детали во текот на утрешниот ден“, велат од ОЈО.

ЧИТАЈТЕ УШТЕ

Младите кои студираат или работат во друга општина, се со поделени мислења за тоа дали на денот на изборите треба да заминат дома и да го искористат гласачкото право. Некои тоа го прават, а другите велат дека не се задоволни, не се мотивирани и не сакаат да излезат на гласачките места. 

Седум месеци по пожарот во дискотеката Пулс во кој животот го загубија 63 лица, Кочани излезе на избори. Гласаа 14.177 лица или 43,62 проценти од запишаните гласачи во избирачкиот список, со избор од шест кандидати - четворица партиски и двајца независни: Влатко Грозданов од ВМРО-ДПМНЕ, в.д. градоначалникот и независен кандидат Венко Крстевски, Игор Христов од СДСМ, независниот Зоран Тодоров, Жаклина Филипова-Свеќаровска од Левица и Даниел Глигоров од Единствена Македонија.