ПОЧНА СУДЕЊЕТО ЗА ЗЛОУПОТРЕБА НА ПАРИ ОД ИПАРД

Ексдиректорот на Агенцијата за финансиска поддршка во земјоделството и рурален развој, Илија Стоилев, кој заедно со уште неколку физички лица, меѓу кои вработени во УЈП и Министерство за земјоделство, шумарство и водостопанство, како и уште едно правно лице, се сомничат за повеќе кривични дела поврзани со финансиски малверзации и примање поткуп во врска со користење средства преку европската ИПАРД-програма, седнаа на обвинителна клупа во Основниот кривичен суд Скопје. 

ТРУЕЊЕ СО ХРАНА ВО РЕК БИТОЛА

Дури 81 вработен од РЕК Битола денеска побарале итна лекарска помош во Клиничката болница во Битола поради симптоми на труење со храна. Сите пријавиле слични стомачни тегоби по консумирање на оброк во кујната.

Специјалистот инфектолог, д-р Хараламбос Сидиропулос, потврди дека на сите лица им е укажана помош, а најголем дел се пуштени на домашно лекување со лесна клиничка слика.

„Сите се со иста клиничка слика и како причина наведоа конзумирање на храна лазањи со сос во кујната на РЕК Битола“, изјави Сидиропулос за медиумите.

АРМ СЕ ЗАСИЛИ СО НОВИ ОКЛОПНИ ВОЗИЛА

Армијата на Република Северна Македонија доби нови оклопни возила Stryker, кои денеска беа промовирани во касарната „Страшо Пинџур“ во Петровец, во присуство и на премиерот Христијан Мицкоски. Станува збор за првата испорака од 17 возила, од вкупно 42 што треба да пристигнат во рамки на договорот со Соединетите Американски Држави.

ЧИТАЈТЕ УШТЕ

Доколку планирате да купувате алуминиумски врати, прозорци, профили, веќе има најави дека ќе поскапат поради зголемувањето на цената на алуминиумот на светските берзи. Од повеќе продавници ни потврдија дека цените наскоро ќе бидат повисоки. Колкаво ќе биде поскапувањето засега не се знае.

Владата објави јавен оглас со кои бара кандидати кои се заинтересирани за работа во оваа државната институција. Поточно станува збор за вработување на двајца државни службеници во Генералниот секретаријат, за позиции поврзани со јавни набавки и административна поддршка во владините постапки.

Вработените во Агенцијата за електронски комуникации, кои ионака важат за едни од најплатените во земјата, според објавениот извештај од работењето за 2025, во текот на минатата година поделиле основни плати од 152.782.827 денари, односно 2,5 милиони евра, што е за 20 отсто поголем износ.

„Ќе се прави ајвар од ананас, така ми се чини“ е една од пораките што деновиве најмногу се споделува на социјалните мрежи. Зад оваа иронија стои сосема реален проблем: зеленчукот, кој треба да биде основен дел од домашната трпеза, станува сè потежок за купување.