ПАК ИМАШЕ ДОЈАВИ ЗА БОМБИ

Утринава нови закани за поставени бомби се испратени во дел од средните училишта во главниот град. Како што дознаваме, досега, дојави за бомби се испратени на електронските адреси на гимназиите „Орце Николов“, „Георги Димитров“ и „Јосип Броз Тито“, „Панче Караѓозов“.

АНБ ДОБИ НОВ ДИРЕКТОР

Владата на денешната седница го назначи Зарко Милошевски за нов директор на Агенцијата за национална безбедност.

Милошевски на позицијата директор доаѓа од позиција на помошник директор на Одделот за безбедносни проверки и НАТО регистар во Агенцијата за национална безбедност, каде има и претходно повеќегодишно искуство во раководење, организирање и координирање на Одделот, но и во организирање и раководење со ресурсите на организационата единица за заштита на уставното уредување и спротивставување на тероризмот

ВЛАДАТА ЈА РАЗРЕШИ СИМЕСКА ДИМОСКА

На 109 - та седницата Владата ја разреши директорката на Државниот пазарен инспекторат, Анета Симеска Димоска.

Владата го назначи Горан Трајковски за нов в.д директор на Државниот пазарен инспекторат.

ЧИТАЈТЕ УШТЕ

Македонските најмоќни фирми, чии акции се најмногу купувани и продавани на Македонската берза, вредат многу пари. Така барем говори берзанскиот билтен, во кој, меѓу другото, се наведени податоците за пазарната капитализација на компаниите. Тоа, пак, всушност означува колку пари би се зеле за компанијата, доколку сите нејзини акции се продадат во исти момент.

Во тек е продажба на зградата на пропаднатата Еуростандард банка во строгиот центар на градот, дознава Фактор.

За 25 дена во ноември ЕСМ во своите 4 блокови на двете термоцентрали произвел 178.500 мегаватчасови струја што значи дека, просечно на час, успеал да стави во функција 37% од инсталираниот капацитет за производство на струја. Истиот месец за 23 дена ЕСМ од увоз набавил речиси 96.000 мегаватчасови за што платил 24 милиони евра

Во новата година ќе поскапат и преведувачките услуги. Од Здружението на преведувачи и толкувачи велат дека ќе излезат со препорака за 20 отсто да се зголемат цените и очекуваат сите да се придржуваат кон ова правило.

„Евротим ГДС“, која ланската година беше посочена како компанија која продава увезено отпадно масло наместо мазут за големи индустриски капацитети и државни институции, ја загуби лиценцата за работа.