ФАКТОР НА ДЕНОТ: Нивото на вакцинација не е доволно за олеснување на мерките, денес има над 1.900 заразени
НЕМА ОЛЕСНУВАЊЕ НА КОВИД МЕРКИТЕ
Министерот за здравство Беким Сали, кој денеска ја прими засилувачката доза на вакцината против корона вирусот на вакциналниот пункт на Економскиот факултет во Скоје, изјави дека и во иднина здравствените политики ќе бидат насочени кон промоција на вакцинацијата.
-Оттука сакам да упатам еден апел пред се бидејќи нашата држава, нашиот народ има потреба од стимулација на вакцинирањето. Досегашното ниво, досегашниот процент на опфатот на вакцинација против ковид-19 не е доволен да кажеме дека сме една од државите која треба да пристапи кон либерализација на мерките против корона вирусот, рече министерот Сали.
Во однос на тоа како да веруваат граѓаните на вакцините кога секојдневно слушаат дека една третина од починатите се токму вакцинирани, кога нема доволно информации во однос на тоа дали починале директно како последица од ковид или пак биле позитивни на вирусот но починале од друга сериозна здравствена состојба, министерот Сали рече дека во прашање е воспоставената методологијата на известувањето.ИМА НАД 1.900 ЗАРАЗЕНИ СО КОРОНА ЗА 24 ЧАСА
Министерството за здравство информира, согласно податоците од Институтот за јавно здравје дека во последните 24 часа:
Направени се 5.834 тестови, а регистрирани се 1.908 нови случаи на КОВИД-19:
Скопје – 972, Кавадарци – 112, Куманово – 111, Битола – 105, Велес – 62, Тетово – 58, Прилеп – 54, Неготино – 46, Струмица – 45, Охрид – 43, Гостивар – 34, Гевгелија – 30, Штип – 27, Кичево и Кочани – по 24, Радовиш – 22, Ресен – 21, Валандово – 17, Крива Паланка – 16, Струга – 15, Свети Николе – 12, Берово и Богданци – по 10, Делчево – 9, Виница – 5, Демир Капија и Пехчево – по 4, Дебар, Пробиштип и Македонски Брод – по 3, Кратово, Крушево и Македонска Каменица – по 2, Дојран – 1 .ССМ СЕ СПРЕМА ЗА ШТРАЈК
Претседателството на ССМ и Советот на ССМ на денешните седници кои останаа отворени за да може да заседаваат во континуитет во наредниот период, како највисоки органи помеѓу два Конгреси на ССМ, донесоа Одлуки со кои Претседателството на ССМ е овластено за главен штрајкувачки одбор, кој во наредниот период ќе организира и спроведува разни облици на притисок како и да организира штрајк, по однос на утврдените барања на ССМ, а во зависност од преговорите на претстојниот состанок со Владата закажан за 31 јануари оваа година.
„Со одлуката се задолжуваат синдикатите согласно нивните Статути да ги спроведат сите постапки пред нивните органи и тела во насока на неопходност и солидарност со претстојните активности за спроведување на штрајкот и на разните облици за притисок и изразување на работничкото незадоволство“, се вели во соопштението од Синдикатот.
Како што нагласуваат оттаму, биле потврдени барањата следниве барања.ВНУКОТ НА АХМЕТИ СЕ ПРИКЛУЧИ НА БЕСА
Поранешниот заменик-директор на ЕСМ Фатмир Лимани, денеска се приклучи кон партијата Беса заедно со својата политичка структура.
Биљал Касами, претседател на Движењето Беса на денешната прес-конференција на која го официјализираше приклучувањето на Фатмир Лимани кон Движењето Беса, истакна дека партијата отвора голема врата за сите оние кои сакаат да направат промена.ЧИТАЈ УШТЕ
Слично
Поврзани вести
