НИТУ ЕДЕН СВЕДОК НЕ ДОЈДЕ НА СУДЕЊЕТО ЗА „ПУЛС“

Со барања за психијатриски вештачења, читање исказ на сведок и предлози за проверка на достапност помина денешното рочиште за пожарот во дискотеката „Пулс“ во Кочани, на кое не присуствуваше ниту еден од предложените сведоци на Јавното обвинителство. Судот ги прифати предлозите на Обвинителството, вклучително и читањето на исказот на Денис Даутовски, кој не е достапен на органите на прогон.

За сведоците Ана Томева и Лина Крстова, Обвинителството најави ангажирање вешто лице од областа на психијатријата по што судот ќе одлучува дали се исполнети условите за примена на член 388 став 5 од Законот за кривичната постапка (ЗКП).

- На претходната расправа вие начелно кажавте дека е пристигната медицинска документација и дека дополнително ќе нѐ известите, но за да биде запазена процедурата, од страна на Обвинителството е ангажирано вешто лице од областа на психијатријата за да може тоа да се произнесе дали состојбата во која се наоѓа Ана Томева претставува душевно заболување, а за да можеле да пристапиме кон примена на исклучокот предвиден во одредбата од член 388 став 5 од ЗКП за непосредно изведување докази. Меѓутоа, бидејќи медицинската документација се наоѓа кај вас, а секако треба и да биде направен непосреден надзор од страна на стручното лице, таквата документација дополнително ќе биде обезбедена и приложена до судот за да ја примениме - истакнаа од Обвинителството.

Слична постапка беше најавена и за сведокот Лина Крстова.

НОВИ ПОШТАРИ ЌЕ БИДАТ ПРИМЕНИ ВО „МАКЕДОНСКА ПОШТА“

Директорот на АД „Пошта“, Орхан Куртиши, тврди дека состојбата во компанијата се стабилизира, нагласувајќи дека во изминатите две години платите доцнеле само еднаш.

-Во двете години откако сум директор, платата доцнела само еден месец и тоа во законскиот рок. Доцневме само еден ден – на 16-ти им ги исплативме платите. Се стабилизираме – изјави вчера  Куртиши.

СДСМ ТВРДИ ДЕКА ГРУЕВСКИ ЌЕ БАРА ЗАСОЛНИШТЕ ВО РУСИЈА И БЕЛОРУСИЈА

СДСМ тврди дека поранешниот македонски премиер Никола Груевски бара засолниште во Русија и Белорусија. 

СДСМ го обвини премиерот Христијан Мицкоски дека од пред камери им се заканува со политички прогон, додека во исто време дозволува Никола Груевски повторно да избега од правдата. Според СДСМ со вакви пораки се врши политички притисок и се отвора опасна дебата за улогата на институциите во пресметките меѓу власта и опозицијата. Партијата соопшти дека ќе побара реакција и од европските институции, тврдејќи дека ваквиот настап е спротивен на принципите на владеење на правото и поделбата на власта. 

ЧИТАЈТЕ УШТЕ

Унгарија деновиве е топ тема во медиумите откако по 16 години власт, Виктор Орбан ги загуби изборите од својот противник Петер Маѓар. Ако ги погледеме податоците за увоз и извоз меѓу нашата земја и Унгарија, тие покажуваат шареноликост. Широк е спектарот на стоки кои Македонија ги извезува и увезува од Унгарија.

Репро Оне Лимитед, оф-шор компанија со седиште на Британските Девствени Острови, во сопственост на бизнисменот Минчо Јорданов се повлече од сопственоста во агрокомбинатот Вардар АД Градско со продажба на својот удел по цена од 16 денари по акција.

Лицата без образование, но и оние со некомплетно образование се најбројните „трагачи“ по работа. Иако бројот на невработени граѓани кои бараат работа и се пријавени во Агенцијата за вработување на Македонија бележи континуиран пад, има одредени „аномалии“ на пазарот кои загрижуваат. 

До податоците дојде редакцијата на Фактор, а финансиските показатели покажуваат дека „ВОЛТ ТЕХНОЛОЏИС СЕВЕРНА МАКЕДОНИЈА ДООЕЛ Скопје“ во 2025 година остварила приходи од околу 14,99 милиони евра. Во истиот период, расходите изнесувале околу 14,93 милиони евра, а годината компанијата ја завршила со загуба од околу 6,2 илјади евра.