НЕМА ДА СЕ ПРОДОЛЖИ РОКОТ НА СТАРИТЕ ПАСОШИ

Во Собранието не беа изгласани измените на Законот за патни исправи, кои беа предложени од пратениците на ВМРО-ДПМНЕ, а со кои се бараше продолжување на важноста на старите пасоши со Република Македонија до крајот на 2024 година. Против измените на законот гласаа 54 пратеници, додека 46 беа “за“.

ГРАФА ЗА НАЦИОНАЛНОСТ НЕМА ДА ИМА ВО ИЗВОДИТЕ

Графа за националност во изводите нема да има.  Се укинува графата „националност“ во Законот за матична евиденција. Уставен денеска одлучи да ја укине законската обврска за изјаснување за националност во матичните книги, односно во изводите на родени, венчани и умрени.

ЌЕ ИМА КАЗНИ ЗА НЕСООДВЕТНО ЗГОЛЕМУВАЊЕ НА ЦЕНИТЕ

Пазарните и трудовите инспектори од задутре ќе бидат на терен и за секое зголемување на цени над нормалната пазарна логика соодветно ќе реагираме, најави вицепремиерот за економски прашања Фатмир Битиќи. Порача дека секое неетичко однесување на кој било трговец ќе се казни на најсериозен начин, и повика да се изгласа законот за нефер трговски практики, а ако има потреба да реагират и Комисијата за заштита на конкурентноста и Организацијата за заштита на потрошувачите.

ЧИТАЈТЕ УШТЕ

Поимотните граѓани на Македонија имале голема корист од владините мерки за одржување на животниот стандард кои се воведуваа во изминативе години како одговор на проблемите кои се наметнаа со избивањето на војната во Украина.

Како се прави добивка од два милиони евра годишно покажа скопската компанија која управува со зелените пазари во земјава.

По тригодишен пост доаѓа ли време за обилна дивиденда за акционерите во „Стопанска банка Скопје“? 

На крајот на март, акционерите на ТТК банка треба да донесат неколку важи одлуки, а меѓу нив и за исплата на дивиденда, но и за зголемување на капиталот на банката, односно основната главнина на оваа мала, но успешна банка во земјава. А, има и одлука за награди и бонуси на раководството и успешните вработени во компанијата.

Станува сè поизвесно дека оваа летна сезона ќе јадеме поскап зеленчук. Од следниот месец нема повеќе гарантирани цени во маркетите.