ФАКТОР НА ДЕНОТ: Не стивнуваат коментарите за оставката на Заев, од неговиот кабинет велат дека таа брзо ќе се ефектуира
КАБИНЕТОТ НА ЗАЕВ ВЕЛИ ДЕКА ОСТАВКАТА БРЗО ЌЕ СЕ ЕФЕКТУИРА
Премиерот Зоран Заев нема намера да чека до декември, туку оставката ќе се ефектуира наскоро, велат од неговиот кабинет.
Оттаму додаваат дека оставката е јасен чин на преземање одговорност. Посочуваат дека во тек се консултации низ кои, органите на партијата, како и коалиционите партнери, со целосна поддршка од премиерот Заев, работат на решенија и одлуки со кои парламентарното мнозинство се одржува стабилно, а со цел обезбедување Влада која го одржува реформскиот и прогресивен курс на земјата.
Заев во неделата најави дека се повлекува од премиерската и од функцијата лидер на СДСМ, поради исходот од локалните избори, на кои претрпеа пораз.МНР РЕАГИРАШЕ ОТКАКО СОВЕТНИЦИ ПОТПИШАА ИЗЈАВИ СО НАЗИВОТ „РЕПУБЛИКА МАКЕДОНИЈА“
Министерството за надворешни работи е загрижено по актот на советниците од Левица кои во општините Штип и Аеродром потпишаа свечени изјави со називот „Република Македонија“.
МНР бара да се почитува Преспанскиот договор и да не се нарушува меѓународниот углед на државата. Според Уставот, велат од таму, тоа треба да го почитуваат и локалните самоуправи.
„Министерството за надворешни работи, следејќи ги ваквите појави по завршувањето на локалните избори и при конституирањето на определени совети во општините, повикува на доследна примена на уставните одредби во согласност со Преспанскиот договор, имајќи предвид дека непочитувањето на Уставот и на ратификуваните меѓународни договори сериозно го нарушува меѓународниот углед на државата и го поткопува правниот поредок на Република Северна Македонија“, реагира министерството.ДЕНЕС ИМА 593 ЗАРАЗЕНИ СО КОРОНАВИРУСОТ
Министерството за здравство информира, согласно податоците од Институтот за јавно здравје дека во последните 24 часа:
· Направени се 3.391 тестирања, а регистрирани се 593 нови случаи на КОВИД-19:
Скопје – 272, Куманово и Прилеп – по 39, Битола – 38, Велес – 27, Кавадарци – 25, Кочани – 22, Крива Паланка – 21, Тетово – 20, Штип – 15, Кичево – 10, Неготино и Пробиштип – по 8, Кратово – 7, Радовиш и Делчево – по 6, Демир Хисар – 5, Берово и Валандово – по 4, Гостивар и Гевгелија – по 3, Струмица и Крушево – по 2, Охрид, Струга, Свети Николе, Ресен, Македонски Брод, Македонска Каменица и Пехчево – по 1.БЕСИМИ НАЈАВИ НОВО ЗАДОЛЖУВАЊЕ
Слично
Поврзани вести
