ВО ГОСТИВАР НАД 1.200 ГРАЃАНИ ПОБАРАЛЕ ЛЕКАРСКА ПОМОШ

Нема медицински доказ дека пријавените стомачни тегоби се предизвикани од водата, вели градоначалникот на Гостивар, Валбон Лимани. 

„Според редовните анализи што ги спроведува ЈП „Комуналец“, досега испитаните примероци покажуваат дека параметрите на водата биле во рамките на законски дозволените вредности. По добиената пријава, Јавното обвинителство, полицијата и другите надлежни институции извршија дополнителен увид и земаа нови примероци за лабораториско испитување. До објавувањето на официјалните резултати, по препорака на Агенцијата за храна и ветеринарство, воведена е привремена забрана за користење на водата за пиење и за подготовка на храна. Апелирам оваа мерка целосно да се почитува. Таа е превентивна и е донесена заради заштита на здравјето на граѓаните. Во однос на тврдењата дека дошло до мешање на канализациска и водоводна вода, информациите од ЈП „Комуналец“ укажуваат дека на посочената локација нема канализациска мрежа. Сепак, сите наводи се предмет на проверка и конечна оценка ќе дадат исклучиво надлежните институции. Во моментов нема официјален медицински или лабораториски доказ дека пријавените стомачни тегоби се предизвикани од водата од градскиот водовод.

Директорката на гостиварското јавно претпријатие „Комуналец“, Артана Асани ги негира тврдењата на МВР дека причина за епедимијата која веќе погоди околу 1.200 жители во Гостивар се поставените пумпи на „Комуналец“ во корито за истечни отпадни води, кои потоа навлегле во гостиварскиот водовод.

РИСТОСКА ВЕЛИ ДЕКА ТОА ШТО ГО КАЖА САВЕСКИ ЗА НЕА И ЗА „ТАЛИР 2“ НЕ Е ТОЧНО

Обвинителката Ленче Ристоска го демантира денешното тврдење на државниот обвинител Ненад Савески дека предметот „Талир 2" ќе бил во нејзино надлежно постапување доколку не поднела оставка.

- Како обвинител за врски, согласно член 5 од Правилникот за предлагање и упатување на јавен обвинител за врски на Република Северна Македонија во Европравда, по правило можев да постапувам по предмети регистрирани и во надлежност на Канцеларијата за врски, а по исклучок, врз основа на одлука на државниот јавен обвинител, и по предмети по кои претходно сум постапувала. Предметот „Талир 2" не е предмет во надлежност на Канцеларијата за врски — во него постапував токму по тој исклучок, врз основа на одлука на државниот јавен обвинител. Со повлекувањето на тоа овластување отпадна и правниот основ по кој постапував во овој предмет.

МЕЧКА НАПАДНАЛА МАЖ ВО РЕСЕНСКО

МВР објави дека полицијата добила пријава за напад од мечка во ресенско, а човекот завршил во болницата во Битола.

„Секторот за односи со јавност при СВР Битола информира дека синоќа во 19:50 часот евидентирале пријава за напад на ресенчанец од мечка.

ЧИТАЈТЕ УШТЕ

Најновата анкета за инфлациските очекувања и очекувањата за движењето на реалниот БДП во периодот 2026–2028 година, спроведена во јуни, покажува дека економските аналитичари очекуваат побавно намалување на просечната инфлација на среден рок и минимални промени во очекувањата за економскиот раст. 

Самиот АД ТЕ-ТО е купувач на акциите на „Топлификација во стечај“ за повеќе од 9 милиони евра во скопската гасна централа, која е еден од најголемите произведувачи на електрична и топлинска енергија во земјата, објавено е во ревидираниот годишен извештај доставен до Македонска берза.

Во Македонија постои една посебна категорија на опозиционери, политичари кои се активираат во моментот кога опозцијата е слаба или функцијата на нејзиниот лидер е разнишана. Нивната намена е да бидат опозиција на опозиција, најчесто повикувајќи на смена на раководството на актуелната опозициска партија.

Фото: СВР Тетово