МВР ВОВЕДЕ ДРЕС-КОД 

Министерството за внатрешни работи(МВР) ја информира јавноста дека со цел одржување на професионалниот стандард, дигнитетот на институцијата и меѓусебната почит, се воведува Кодекс за облекување за сите вработени и странки кои ги посетуваат просториите на Одделот за граѓански работи при Министерството за внатрешни работи.

„Како институција која е постојан сервис на граѓаните, веруваме дека соодветното облекување придонесува кон подобра работна атмосфера и почитување на државните институции. Во таа насока, ги замолуваме сите граѓани пред доаѓање во нашите простории (за подигнување лични документи, пасоши или други административни услуги) да се погрижат нивниот изглед да биде во рамките на општоприфатените норми за јавни институции“, велат од МВР.

ФИЛИПЧЕ БАРА РЕФЕРЕНДУМ ЗА ЕУ

Претседателот на СДСМ, Венко Филипче денеска ја повика власта да распише референдум на кој граѓаните ќе можат да се изјаснат за иднината на земјата и за интегративниот пат кон Европската Унија(ЕУ). Според Филипче, граѓаните се единствените кои можат да одлучат за својата судбина. Тој нагласи дека не се работи за политичко прашање, туку за референдумско за секој граѓанин.

Владата го одби Филипче.

„Да не трошиме време и пари на граѓаните. Ние сме за ЕУ и тоа е наша стратешка ориентација, што и го правиме на дело“, порачаа од Владата како одговор на барањето на лидерот на СДСМ, Венко Филипче, за организирање референдум за членство во Европската Унија.

НЕ ЗАБОРАВАЈТЕ ДА ГИ ПОТВРДИТЕ ВАШИТЕ ГОДИШНИ ДАНОЧНИ ПРИЈАВИ

Управата за јавни приходи ги потсетува даночните обврзници дека крајниот рок за проверка и потврда на Годишната даночна пријава за 2025 година истекува на 31 мај 2026 година. Со оглед дека станува збор за неработен ден (недела), рокот за потврдување на годишната даночна пријава е 01 јуни 2026 година.

- Ова значи дека граѓаните кои оствариле приходи во 2025 година треба најдоцна до 01 јуни 2026 година да извршат увид во своите даночни пријави преку системот „е-Даночни услуги“ и да ги потврдат, односно коригираат доколку има потреба.

ЧИТАЈТЕ УШТЕ

На предлог на независниот пратеник, Миле Цеков, се бараат измени на Законот за данокот на додадена вредност со што прагот за задолжителна регистрација за ДДВ  би се зголемил од 2.000.000 на 4.000.000 денари. 

ИГМ-Трејд, компанијата на Илија Гечев за челични профили и наемодавач на големата регионална индустриска зона, е убедливо број еден по остварена добивка во Кавадарци за 2025 со заработени над 25 милиони евра.

Русија веќе има потреба од „увоз“ на работници и се проценува дека за некоја година ќе им требаат дури 3 милиони работници, но од агенциите за посредување при вработување велат дека мали се шансите дека во иднина нашите работници би оделе на печалба во oваа земја.

Тројца поранешни министри за финансии, кои во различни политички периоди ја водеа државната каса, денес се поврзани со фирми за консултантски услуги. Станува збор за Зоран Ставрески, Драган Тевдовски и Фатмир Бесими, чии компании се регистрирани во дејноста советување во врска со работењето и останато управување.