МУЦУНСКИ НАЈАВИ ИЗНЕНАДУВАЊЕ ЗА ВИЗИТЕ СО САД

Американскиот Стејт департмент соопшти дека од 21 јануари ќе ја суспендира обработката на имигрантски визи за државјани од 75 земји, меѓу кои Авганистан, Иран, Русија, Сомалија и Македонија. Одлуката е дел од директивата на администрацијата на претседателот Доналд Трамп за спречување на имигранти кои би можеле да станат „јавен товар“ за државата.

Министерот за надворешни работи и трговија Тимчо Муцунски денес пред новинарите рече дека станува збор за мерка само за иселеничките визи.

- Се работи за пауза за постапки поврзани со иселенички визи.Тоа не е прекин или „црна листа“, туку пауза само за иселенички визи. Тоа не влијае на сите други постапки за визи, рече Муцунски.

Тој додаде дека бизнисмени или студенти ќе може слободно понатаму да аплицираат.

ЈОШЕВСКА-АНАСТАСОВСКА И КАДРИ-ШАХИНОВИЌ ДАДОА СВЕЧЕНИ ИЗЈАВИ

Новоизбраните членови на Судскиот совет, адвокатката Сузана Јошевска-Анастасовска и вонредната професорка Арлинда Кадри-Шахиновиќ, денеска во Собранието дадоа свечена изјава пред претседателот на законодавниот дом, Африм Гаши.

Претседателот на Судски совет, Александар Камбовски им честита на новите членки. Потенцира дека тие се додадена вредност на Советот и оти институцијата ќе може да застане на здрави нозе и да ја остварува својата надлежна функција.

ЗИМСКИОТ РАСПУСТ НЕМА ДА СЕ ПРОДОЛЖИ ПОРАДИ ГРИПОТ

Од 5 до 11 јануари регистрирани се 2.322 заболени од грип, што е за 34,6 проценти повеќе во однос на претходната недела. Има средна активност на вирусот на грип на национално ниво. Има зголемен број заболени, но тоа е очекувано за овој период од годината. Очекуваме бројките и во наредниот период да растат и да се движат во овој ранг. Пикот на грипот се очекува на крајот на месецот до средината на февруари. Оваа сезона растот на бројот на заболени почна неколку недели порано од очекуваното, изјави денеска раководителот на одделот за епидемиологија на заразни заболувања при Институтот за јавно здравје (ИЈЗ), д-р Драган Кочински.

Тој рече дека со оглед на тоа што има средна активност на грипот, тоа засега не дава можност да даваме некакви претерани мерки што би ги зафаќале граѓаните, како продолжување на зимскиот распуст.

БЕБЕ ПОЧИНА ВО БОЛНИЦАТА ВО КАВАДАРЦИ

Министерството за здравство соопшти дека иницира Државниот санитарен и здравствен инспекторат (ДСЗИ) да изврши инспекциски надзор во Општата болница во Кавадарци во врска со случајот со починатото новороденче.

Од болницата денеска соопштија дека бебето со иницијали У.М. на возраст од два месеца кај нив било примено поради обилно повраќање по хранење. 

ЧИТАЈТЕ УШТЕ

Компанијата „Линк Медиа Плус“ е главниот „фаворит“ на локалните општини, кога станува збор за новогодишно украсување. Оваа фирма успеала да добие дури 78 отсто од парите кои биле потрошени за новогодишно украсување за дочекот на 2026 година.

Maкедонските граѓани почесто јадат месо, а поретко риба. Ова може да се види од податоците на Државниот завод за статистика(ДЗС).

АД ЕСМ, најголемиот производител на електрична енергија во земјата, и во третиот квартал во 2025 нанижа негативен резултат. Во новата евиденција на Министерството за финансии за резултатите од работењето на националните јавни претпријатија и акционерски друштва за третото тримесечје од минатата година, Електраните имаат загуба од 14,4 милиони евра

ВМРО-ДПМНЕ систематски работеше изминатите години за целосно демонтирање на „Пржинскиот“ договор, односно документот кој беше услогласен во резиденцијата на Европската Унија во населбата Пржино, по што и самиот договор го доби ова име.