НЕИЗВЕСНО Е ДАЛИ ЛАВРОВ ЌЕ ДОПАТУВА ВО СКОПЈЕ ЗА МИНИСТЕРСКИОТ СОВЕТ НА ОБСЕ

Владата по денешната седница соопшти дека Министерствата за надворешни работи и за одбрана ќе можат дополнително да одлучат за издавање одобрение за прелет и слетување на рускиот воздухоплов за време на одржувањето на триесеттиот министерски состанок на ОБСЕ во Скопје, со кој се очекува да пристигне рускиот министер за надворешни работи Сергеј Лавров. 

-Преку ова дополнување, надлежните министерства за надворешни работи и за одбрана ќе можат дополнително да одлучат за издавање одобрение за прелет и слетување на рускиот воздухоплов за време на одржувањето на триесеттиот министерски состанок на ОБСЕ во Скопје, во период од 29 ноември до 1 декември 2023 година, се вели во владиното соопштение.

Се појаснува дека на седницата била донесена Одлуката за воведување рестриктивни мерки во поглед на активностите на Руската Федерација, со којашто се ограничува пристапот на воздухоплови на Руската Федерација, а согласно со Регулативата на Советот на ЕУ од Заедничката надворешна и безбедносна политика на Унијата, со којашто Република Северна Македонија е целосно, односно 100-процентно усогласена.

ПОЛИЦИЈАТА АПСЕШЕ ВО СТРУГА

Основното јавно обвинителство (ОЈО) излезе со детали за денешната акција во Струга. Соопштија дека 23 лица се уапсени, осомничени за трговија со дрога и оружје.

ПРИМИРЈЕ ВО ГАЗА

Израелската војска ги активираше сирените за воздушен напад во две села во близина на Појасот Газа, само неколку минути по стапувањето во сила на четиридневното примирје меѓу Израел и Хамас, објави Ројтерс.

Засега нема непосредна потврда дека се случиле ракетни напади од палестински милитанти на израелска територија или дека е причинета некаква штета, наведува британската агенција.

ЧИТАЈТЕ УШТЕ

Влошено е здравјето на бездомната скопјанка која веќе три недели живее под ведро небо на клупата пред Поликлиниката Идадија, во центарот на Скопје. На 48-годишната жена храна и ќебиња и носат хуманите луѓе, но институциите кои се најодговорни за ваквите случаи, сè уште не преземаат никакви активности.

Жените најчесто пријавуваат семејно насилство, додека бројот на мажи кои бараат помош за истото е дратично помал. Ова го потврдуваат од бесплатната, национална, мобилна СОС линија 141 700.

Свој имот нема, освен два „подебели“ кредити во банка, но затоа имаат неговите родители. А не е ни чудно кога имаат богата семејна фирма, која е одличен извор на приходи.

Уплатените 3,6 милиони евра во 2022 година го прават старото добро лото најомилена играна среќа во Македонија. Кај гребките најбарана и убедливо најпопуларна е „Златна рипка 7“ која граѓаните ја гребеле за 450.000 евра. 

„Куантум Солушнс“ како старт-ап добил неповратен грант од 40.000 евра, или поточно 2.456.500 денари, од Фондот за иновации и технолошки развој, објавено е во годинешниот објавен избор на добитници.

ОРКА Холдинг доставила намера за преземање на мелничко пекарската компанија Жито Полог од Тетово.