МИЈАЛКОВ ПОНУДИ ГАРАНЦИЈА ЗА ДА ИЗЛЕЗЕ ОД ПРИТВОР

Кривичниот суд одлучува дали ќе ја прифати или не, а ако е потврдно значи дека тој ќе замине дома од затворот во Шутка. Според информациите кои се неофицијални имало големи шанси ефективниот притвор да се замени со слобода, затоа што кауцијата била многу вредна.

НОВИ ДЕТАЛИ ЗА СЛУЧАЈОТ СО ДРАГИ РАШКОВСКИ

За случајот Драги Рашковски обвинителството издаде наредба за истрага за нова истражна постапка. Дополнително е утврдено дека е оштетен буџетот на државата.

Обвинителствбото во своето соопштение не дава иницијали на лицата против кои се води истрагата. 

„Постапувајќи во предметот против четири лица за набавка на софтвер и работи за потребите на софтверот, од прибраниот доказен материјал произлезе дека тројца од веќе осомничените лица сториле уште две кривични дела, за што надлежен јавен обвинител од Основното јавно обвинителство за гонење на организиран криминал и корупција донесе нова Наредба за спроведување истражна постапка против три лица. Првоосомничениот се товари дека во периодот од 2017-2019 година при спроведување на постапка за јавна набавка, потпомогнат од останатите двајца осомничени ја злоупотребил службената положба и овластување. Исто така, првоосомничениот со умисла помогнат од второосомничениот во периодот од 2019 – 2021 година за себе прибавил противправна имотна корист во поголем износ со што двајцата сториле кривично дело Злоупотреба на службената положба и овластување од чл.353 ст.2 в.в. со ст.1 од Кривичниот законик“, се вели во соопштението од Обвинителството. 

НОВИ 87 ЗАРАЗЕНИ СО КОРОНАВИРУСОТ И 17 ПОЧИНАТИ

Министерството за здравство информира дека согласно податоците од Институтот за јавно здравје, во последните 24 часа се направени 2.953 тестирања, а регистрирани се 87 нови случаи на КОВИД-19, и тоа Скопје – 26, Радовиш – 9, Куманово и Кратово – по 6, Прилеп – 5, Битола, Струмица, Кочани и Кичево – по 4, Неготино и Делчево – по 3, Тетово, Гостивар, Охрид, Струга и Свети Николе – по 2,Кавадарци, Штип и Крива Паланка – по 1.

Регистрирани се 197 оздравени пациенти од: Скопје – 91, Прилеп – 25, Охрид – 14, Куманово – 12, Битола – 10, Велес – 7, Струга и Кавадарци – по 6, Штип и Гевгелија – по 4, Кочани, Кичево, Свети Николе и Виница – по 3, Струмица и Берово – по 2, Тетово и Пехчево – по 1.

СВАДБИ ОД ЈУНИ

Ако продолжи трендот на намалување на заразата со ковид-19, можно е од јуни да се одобри барањето на угостителите за организирање свадби и прослави под строго утврдени протоколи, најавува министерот за здравство Венко Филипче. 

ЧИТАЈТЕ УШТЕ

Ќе растат трошоците за живот. Цените на маслото за јадење се зголемуваат. Се очекува поскапување на храната и горивата. 

Додека реалниот сектор ги пресметуваше штетите, банкарскиот сектор успеа да одработи добро што се огледа и во финансиските резултати. Стопанска банка а.д. Битола има раст на добивката во 2020 година од 380 проценти, резултат кој како што вели во интервјуто за Фактор, првиот човек на банката Владимир Ефтимоски, е еден од најуспешните досега.

Состојбата е алармантна. Нивото на Преспанското езеро е најниско од 1917 година па наваму, практично откако постојат мерењата. Последиците од оваа состојба врз биодиверзитетот и квалитетот на водата се катастрофални, а би можеле да се предизвикаат и неповратни штети.

Државата ги задржала истите приходи и буџетски потреби со интервенцијата во минатогодишната акцизата за гориво и покрај големиот пад на цените и на потрошувачката во 2020 поради пандемијата. Повеќе од половина од цената што сме ја платиле за точење на бензинот била наплатена од државата.

На прашањето дали со вчерашното протерување на рускиот дипломат од нашата земја ќе се искомплицира набавката на 200.000 вакцини на руски Спутник, министерот Филипче рече дека нема такви најави и дека прашањето не треба да се политизира. 

Министерот за здравство Венко Филипче вели дека сега е навистина мал бројот на новодијагностицирани случаи, а тоа се чувствува и по притисокот во болниците. 

„Голем број ковид центри се вратени во нормална работа, тоа е практично цела хируршка клиника, добар дел од интерните клиники, а веројатно до крајот на оваа недела и целата зграда на интерните бклиники ќе биде вратена во нормална функција. Во нормална функција е вратен и Центарот за рехабилитација во Козле, како и детската болница во Козле“, рече министерот.