ПРЕМИЕРОТ ВЕЛИ ДЕКА РЕКОНСТРУКЦИЈАТА НА ВЛАДАТА НОСИ НОВА ЕНЕРГИЈА

Премиерот Христијан Мицкоски очекува по реконструкцијата на Владата, новите министри да донесат нова енергија, ново темпо и уште поголема одговорност во извршната власт.

„За нови министри предлагам луѓе кои доаѓаат со различни професионални искуства, но со иста обврска – да работат чесно, одговорно и со чувство дека секој ден што ќе го поминат на функцијата им е даден од народот и му припаѓа на народот“, порача премиерот Христијан Мицкоски пред пратениците во македонскотоСобрание. 

Мицкоски нагласи дека политиката, функциите и мандатите се минливи, но дека државата останува и затоа секоја одлука мора да се носи со одговорност и визија за иднината. „Ќе има предизвици, отпори и обиди секој успех да биде минимизиран, а секој проблем да биде претставен како пораз, но природата на државничкото лидерство е поинаква“, рече премиерот.

Тој истакна дека не бара поддршка за поединци или за една политичка партија, туку за продолжување на процесот на реформи и развој на државата. „Уверен сум дека најдобрите години не се зад нас, туку се пред нас“, порача Мицкоски.

СЛУЧАЈ НА ВРСНИЧКО НАСИЛСТВО И ВО КУМАНОВО

Основното јавно обвинителство и СВР Куманово преземаат мерки за расчистување на случајот со врсничко насилство, откако денеска на социјалните мрежи беше објавена видеоснимка на која се гледа физички напад врз девојче.

Шефицата на Основното јавно обвинителство Куманово, Теута Бедиу – Рамадани, за МИА изјави дека веднаш по објавувањето на снимката е отворен предмет и се постапува по итна постапка.

ГРАЃАНИТЕ ПРИЈАВИЛЕ РЕЧИСИ 10 МИЛИЈАРДИ ЕВРА ДОХОД 

Заврши годишното оданочување на граѓаните за 2025 година, пријавени се над 612 милијарди денари, а вкупно пресметаниот данок на личен доход изнесува 39,8 милијарди денари. Управата за јавни приходи денеска соопшти дека во споредба со 2024 година вкупниот пријавен доход во годишните даночни пријави е зголемен за 74,1 милијарда денари, а пресметаниот данок на личен доход за 4,86 милијарди денари.

ЧИТАЈТЕ УШТЕ

Главна вест од Украина викендов беше менувањето на владата најавено од страна на претседателот Владимир Зеленски. Тој ја најави оставката на премиерката ЈУлија Свириденко.

Комисијата за прашања на изборите и именувањата на Собранието на Република Северна Македонија ја предлага Ана Виткова од Скопје за член на Регулаторната комисија за енергетика, водни услуги и услуги за управување со комунален отпад.

Пазарот на козметика и парфеми во Македонија носи милионски приходи и добивки за најголемите компании во секторот, а податоците за 2025 година покажуваат дека неколку големи играчи се издвојуваат според заработката.

Првиот мандат на Никола Груевски и првиот мандат на Христијан Мицкоски имаат неколку историски паралели од кои може да се извлечат интересни политички лекции.