ПРЕМИЕРОТ КАЖА ДЕКА ГОДИНАВА НЕМА ДА ИМА ПРЕДВРЕМЕНИ ИЗБОРИ

Премиерот Христијан Мицкоски денеска одговарајќи на новинарско прашање во однос на коментарите дека набрзо ќе има избори, посочи дека во моментот фокус на Владата се реформи и консолидирање, а избори како што рече ќе се одржат пролетта 2028та година.

„Има некои од партиите кои што се исплашија од таа изјава, јас следам. Но, мојот став вие го знаете. Мојот став е дека оваа година избори нема, оваа година е реформска и година на консолидирање. Јас би сакал да имаме редовни избори кои ќе се случат наскоро во пролета 2028 година. 

ВО СУДНИЦА БЕА ПОКАЖАНИ ФОТОГРАФИИ ЗА СОСТОЈБАТА ЗАТЕКНАТА ВО „ПУЛС“

При увидот на Јавното обвинителство во опожарениот објект „Пулс“ во Кочани бил пронајден изгорен ресивер за активирање на пиротехнички уред, како и црн ранец марка „Најк Џордан“ во кој се наоѓале пластично куферче со два ресивера за активирање на пиротехнички средства, батерија од девет волти, марка Филипс и кеса со неискористено пиротехничко средство. 

Ова беше посочено денеска од страна на Јавното обвинителство при изведувањето на материјални докази од увидот на лице место во опожарениот објект.

УАПСЕНИ СЕ ТРИ ЛИЦА ЗА КРИУМЧАРЕЊЕ НА МЕДИЦИНСКИ ПРЕПАРАТИ ШТЕТНИ ПО ЗДРАВЈЕТО

Секторот за контрола и истраги лиши од слобода три лица, меѓу кои и сопственичка на салон за убавина, осомничени за криумчарење на медицински препарати штетни по здравјето на граѓаните. 

Извршен е и претрес во салон за убавина, каде се пронајдени криумчарени непроверени дермални филери и други медицински производи кои се користат за убавина, но и за редуцирање маснотии, кои сопственичката на салонот ги користела врз клиенти.

Ова го посочуваат од Царинската управа во објавата споделена на социјалните мрежи. 

Од оваа институција откриваат дека случајот најпрво е забележан на границата со соседна Србија, па тим од цариници го следел возилото во кое биле пренесувани лековите за да се открие кој ги презема. 

ЧИТАЈТЕ УШТЕ

Oткако премиерот Христијан Мицкоски рече дека Македонците не треба да очајуваат поради метежот на границите поради ЕЕС и дeка имаме прекрасни места дома каде луѓето  можат да летуваат, некои граѓани велат дека сепак сакаат да одат на море, но има и такви што практикуваат да одмораат во Македонија.

Автомакедонија АД Скопје во првиот квартал од 2026 година оствари позитивни финансиски резултати, при што растот на приходите и намалувањето на трошоците придонесоа за подобрување на профитабилноста. 

Две компании од скопските техноолошко-индустриските развојни зони се вврвот на новата листа на Тооп-10 најуспешни друштва по остварена добивка со седиште во Општина Илинден за годината 2025.

Мостот на „Љубљанска“ преку Вардар, кој со години стоеше без целосна сообраќајна функција, треба конечно да добие булеварска врска.

фото Фејсбук/Христијан Мицкоски