МИЦКОСКИ СЕ СРЕТНА СО МЕРЦ И МАКРОН

Mакедонскиот премиер, Христијан Мицкоски, како „пријателски и срдечни“ ги оценил одделните средби што ги имал со францускиот претседател Емануел Макрон и германскиот канцелар, Фридрих Мерц за ЕУ интеграција, „нон-пејперот“ и иднината на Западен Балкан во Тиват во Црна Гора. 

Средбите се случија по заедничкиот документ на Германија и Франција, со кој се предлага постепена интеграција и забрзано проширување на ЕУ кон Западен Балкан. Во објави на социјалните мрежи, Мицкоски информираше дека биле разменети мислења за европските перспективи на регионот.

РАДЕВ БАРА БУГАРИ ВО УСТАВ

Северна Македонија единствено треба да ги впише Бугарите во Уставот, за да почне преговори со ЕУ, изјави денеска бугарскиот премиер Румен Радев пред почетокот на самитот ЕУ-Западен Балкан, кој се одржува во црногорскиот град Тиват, објави „Дојче веле“.

„Подготвени сме да помогнеме на секоја земја што аплицира за членство, особено на нашите браќа од Северна Македонија. Чекаме тие конечно да ја исполнат преговарачката рамка. Имаме консензус од јули 2024 година и чекаме тие конечно да го изменат Уставот и да ги вклучат Бугарите во него. Многу е едноставно. Потребно е да го направат само овој чекор за да се отвори вратата за преговарачкиот процес“, рече Радев.

Франција и Германија, на Самитот презентираат „нон пејпер“ во кој се предлага постепена интеграција на Западен Балкан во ЕУ пред полноправното членство Европската комисија е повикана да подготви предлози за олеснување на постепената интеграција на земјите кандидати во Европската Унија, вклучително и привилегиран пристап до единствениот европски пазар врз основа на нивниот напредок во пристапните преговори и поцврсти врски со европските институции во секојдневниот процес на одлучување – се наведува во француско-германскиот нон пејпер.

ЗЕЛЕНСКИ МУ ПИША НА ПУТИН, НО ТОЈ ОДБИ СРЕДБА

Рускиот претседател Владимир Путин изјави дека во моментов не гледа смисла во одржување директна средба со украинскиот претседател Володимир Зеленски, одговарајќи на неговото неодамнешно отворено писмо.

Говорејќи на Меѓународниот економски форум во Санкт Петербург, Путин оцени дека досегашните директни контакти меѓу двајцата лидери не донеле конкретни резултати.

ЧИТАЈТЕ УШТЕ

И Европејците се селат од една во друга земја во рамки на Европската Унија(ЕУ) поради подобри услови за работа и повисоки плати.

Хотелско-угостителската компанија „Македонијатурист“ го презема управувањето со хотелот „Русија“ до спортскиот центар Јане Сандански во Аеродром, Скопје, дознава „Фактор“.

фото Фејсбук/Христијан Мицкоски