РАЗРЕШУВАЊЕ НА ТОКСИКОЛОГИЈА

Разрешен е директорот на Универзитетската клиника за токсикологија во Скопје, Данил Петровски. Информацијата за меидумите ја потврди самиот Петровски. 

Тој рече дека не е изненаден, бидејќи министерот за здравство Илир Демири веќе го најави неговото разрешување. За разрешувањето од функцијата, Петровски дознал од вработени на Клиниката за токсикологија.

Петровски беше директор на Клиниката за токсикологија од 15 декември до денеска. 

ДВОЈНО УБИСТВО ВО СТАЈКОВЦИ

Јавен обвинител од Основното јавно обвинителство Скопје, заедно со инспектори и увидна екипа на МВР и тим од обдуценти од Институтот за судска медицина, извршија увид на лице место во семејна куќа во селото Стајковци каде попладнево едно лице ги лишило од живот сопствениот брат и сопругата на другиот брат, кој претходно бил починат.

Причините се утврдуваат. Сторителот е идентификуван и обезбеден.

ПЕНДАРОВСКИ СЕ ОТКАЖА ОД ДРЖАВНА ПЕНЗИЈА

Поранешниот претседател Стево Пендаровски се откажа од правото на користење државна пензија, и одлучил да и се врати на академската кариера.

- Кaко поранешен претседател, Пендаровски нема да ја користи државната пензија која му следува по закон, затоа што веќе се врати на својата академска кариера како професор на Универзитетот Американ Колеџ во Скопје, потврдија за МИА од неговиот тим.

Претставници на Министерството за внатрешни работи ќе продолжат да го обезбедуваат поранешниот претседател во согласност со безбедносните проценки што ги прават. 

ПОЧИНА БЕБЕ ОД ВЕВЧАНИ

Денеска во раните утрински часови во СВР Охрид било пријавено дека, во специјалната болница „Св.Еразмо“ во Охрид, по извршен хируршки зафат, починало седуммесечно бебе од Вевчани, кое, претходниот ден околу 16 часот, било донесено во болницата од неговата мајка.

Бебето, според пријавеното, било примено во болницата со хематом на главата и по констатирано мозочно крварење, веднаш била извршена операција.

ЧИТАЈТЕ УШТЕ

Некои од Македонците кои заминале во странство се соочуваат со носталгија. Иако животот го продолжуваат во развиени општества каде системот функционира и каде тие и нивните деца ќе имаат подобра иднина, сепак им недостигаат блиските и социјализацијата.

Најуспешните 15 компании, чија приоритетна дејност е собирање приходи од закуп од наемнини, направиле вкупна добивка поголема од 20 милиони евра во 2023. 

Околу 32 милиони евра е добивката на најголемите градежни фирми чија основа на бизнисот е изградба на згради за колективно домување во 2023. Крмзов-МР, на струмичкиот бизнисмен Ристо Крмзов, кој гради станбени комплекс, има убедливо најголема добивка од повеќе од 9 милиони евра.

Април генерално бил позитивен за компаниите што котираат на Македонската берза за долгорочни хартии од вредност. Зголемување, иако скромно, бележат берзанскиот индекс МБИ 10, но и остварениот промет, бројот на трансакции, како и пазарната капитализација, што всушност говори за пораст на вредноста на акциите на котираните компании.