МАКЕДОНЦИ СЕ ЕВАКУИРАНИ ОД ИЗРАЕЛ

Министерството за надворешни работи и надворешна трговија целосно го координираше процесот на евакуација на македонските државјани од Израел, кои попладнево со владиниот авион полетаа од Шарм ел-Шеик кон Скопје.

СВЕДОК КАЖА КОЈ ГИ ДОНЕЛ ПРСКАЛКИТЕ ВО „ПУЛС“ ВО КОЧАНИ

Групата ДНК ги набавувала прскалките од продавница во Кисела Вода. 

Естрадниот новинар Васко Спасовски во последните неколку години работел како пи-ар на групата ДНК. Тој комуницирал со медиумите во име на ДНК, договарал интервјуа и слично. Имале идеја со Панчо да отворат заедничка продукција и да соработуваат и со други уметници. Во денешното сведочење во рамки на судскиот процес за пожарот во дискотеката „Пулс“ тој тврдеше дека немал врска со организацијата на настапот на ДНК во Кочани.

ПРОДОЛЖЕН Е ПРИТВОРОТ НА СТОЈАНЧЕ ЈОВАНОВСКИ

Основното јавно обвинителство Скопје поднесе предлог за продолжување на мерката краткотраен притвор за нови 48 часа за Стојанче Јовановски, сопруг на Ивана Јовановска која заедно со нивната ќерка падна од шест кат во скопски Карпош.

Обвинителстото соопшти дека притворот се продолжува бидејќи се постапува по издадените наредби за вештачење на три мобилни телефони и на други предмети, се обезбедуваат и анализираат видео записи од повеќе критични локации, а се обезбедува и целокупната документација за претходни поплаки и пријави за семејно насилство кои се однесуваат на осомничениот и починатата жена.

ИРАНСКИ ДРОН ПОГОДИ ЦЕЛ ВО АЗЕРБЕЈЏАН

Азербејџан вети жесток одговор по нападот на аеродромот.

Земјата денеска предупреди дека подготвува неодредени мерки за одговор откако два ирански дронови ја преминаа границата и повредија четири лица во енклавата Нахчиван, што предизвика загриженост за потенцијалното ширење на конфликтот од Блискиот Исток.

„Овие напади нема да останат без одговор“, соопшти Министерството за одбрана на Азербејџан.

ЧИТАЈТЕ УШТЕ

Се предлагаат измени и дополнувања на Законот за возила со кои, меѓу другото, ќе се овозможи нов законски рок за легализација на одредени категории возила, како и зајакнување на механизмите за техничко одобрување и контрола на нивната исправност.

Откако во саботата Израел и САД го нападнаа Иран, а потоа Иран одговори со напади на цели во Израел и ги гаѓаше американските бази во околните држави, над 600 македонски државјани се јавиле во амбасадите и бараат евакуација. 

Македонските граѓани кои се наоѓаат во земјите од Блискиот Исток се соочуваат со сериозни проблеми при обидот да се вратат во државата, откако новата ескалација на конфликтот во регионот го наруши авиосообраќајот и ги зголеми цените на авионските билети до рекордни нивоа.

Геополитичките тензии на Блискиот Исток почнуваат да се одразуваат и врз туристичкиот пазар. По нападите на САД и Израел врз Иран, туристичките агенции во Европа забележуваат брза промена во преференциите на патниците, иако вкупната побарувачка за летната сезона 2026 засега не бележи значителен пад.