МАКЕДОНСКИТЕ ДРЖАВЈАНИ СЕ ЕВАКУИРААТ ОД АВГАНИСТАН

Министерот за надворешни работи, Бујар Османи вели дека 25 наши државјани летаат кон Доха, а во и околу аеродромот во Кабул на безбедно има уште педесет лица. 

Состојбата во Авганистан нагло се влоши и освен базите на НАТО и САД, целата територија на државата е под управа на новата талибанска власт, додава Османи.

„Во контакт сум со колегите од САД, Турција и Катар и постои брз канал за координација. Работната група е во постојана комуникација за нивно извлекување. 25 наши државјани се веќе на воениот терминал и со американски воен авион ќе бидат испратени во Доха, а останатите 25 што се во моментов на аеродромот се упатени на следниот лет. Има уште 25 лица во американската база во Кабул што е во непосредна близина на аеродромот, тие се на безбедно и се на листа на чекање за нареден лет. Немаме други регистрирани наши државјани на територијата на Авганистан“, информира Османи.

Османи кажа дека е остварен е контакт со компаниите каде македонските државјани работат за да се забрза евакуацијата, а испратени се и формални барања до земјите кои имаат присуство во Авганистан да асистираат во евакуацијата, при што повеќето потврдно одговориле.

МАКЕДОНИЈА ЌЕ ПРИФАТИ СКОРО 190 АВГАНИСТАНСКИ ЦИВИЛИ

Што се однесува до привременото прифаќање граѓани од Авганистан, во овој момент се работи на координација и утврдување детали за преземање шест жени и деца, вработени или членови на семејства на вработени од Мисијата на Обединетите Нации во Авганистан, како и околу 180 граѓани, жени, деца, вработени или членови на семејства од хуманитарни организации, организации за човекови права, новинарски и друг тип здруженија кои во изминатите 20 години работеа на одржувањето на мирот во Авганистан, информираат од Владата. 

„Времето на полетување на овие граѓани од Авганистан сѐ уште не може да се потврди имајќи ги предвид сложените услови на аеродромот во Кабул, но може да се очекува дека ќе пристигнат следните денови. Хуманитарците, вработените во организациите за човекови права и членовите на нивните семејства планирано е да пристигнат на аеродромот во Скопје после што задолжително ќе бидат упатени на 14-дневен карантин заради превенција од КОВИД-19. Министерството за здравство ќе организира и пунктови за вакцинирање за граѓаните кои нема да бидат вакцинирани“, соопштуваат од Владата. 

Владата работи на обезбедување сместувачки капацитети во мотели, одморалишта и хотели, за што трошоците ќе бидат обезбедени од страна на меѓународните организации, како и од Соединетите Американски Држави. Сместувањето и преземањето на локалното население ќе биде со ограничен временски период, се до обезбедување нивни трансфер до САД или до трети земји, што ќе биде утврдено во координација со нашите стратешки партнери и со меѓународните организации.

ДЕНЕС ИМАМЕ СКОРО 300 ЗАРАЗЕНИ

Министерството за здравство информира, согласно податоците од Институтот за јавно здравје дека во последните 24 часа се направени 3.480 тестирањa, а регистрирани се 296 нови случаи на КОВИД-19 и тоа во Скопје – 143, Гостивар – 60, Кичево – 23, Струмица – 11, Штип – 10, Тетово – 9, Куманово – 8, Струга – 6, Охрид – 5, Прилеп, Радовиш и Дебар – по 3, Битола, Кочани, Неготино и Пробиштип – по 2, Велес, Кавадарци, Виница и Кратово – по 1.

Регистрирани сe 109 оздравени пациенти од: Тетово - 42, Скопје – 33, Гостивар – 12, Куманово - 6, Кавадарци – 4, Струмица – 3, Кичево, Радовиш, Битола и Пехчево – по 2, Велес – 1.

ОД ДЕНЕС РЕСТРИКЦИИ ЗА НЕВАКЦИНИРАНИТЕ

Популарните кафулиња во центарот на Скопје и денеска работат навидум вообичаено. За некои од нив е вообичаено да немаат гости претпладне, додека други беа полупразни, па можеше и невакцинирани лица да се напијат кафе на почетокот од новата работна недела.

НА ПОВИДОК НОВИ МЕРКИ

Да се регулира влезот и излезот од Македонија поради ширењето на коронавирусот.

Ова министерот за здравство Венко Филипче ќе го побара од Владата, заради заштита на населението од коронавирусот. 

Во изјавата за медиуми Филипче рече дека мерки за Тетово засега нема, а Комисијата за заразни болести разговарала да се намали работното време на објектите и намалување на капацитетите во автобусите. Но засега, овие мерки нема да се имплементираат.

ЧИТАЈТЕ УШТЕ

Јавното претпријатие за одржување и заштита на магистралните и регионалните патишта - Скопје го направило „најпоскапената“ јавна набавка минатата година, покажува извештајот на Бирото за јавни набавки кое за прв пат ги објавува јавните огласи со најголеми измени на проценетата вредност.

Иако светот недвосмислено се бори против Ковид, а науката е едногласна дека единствен начин е вакцинацијата антиваксерски протести има насекаде во светот. Не се масовни сепак.