МАГЛА И ЗАГАДЕН ВОЗДУХ ВО МАКЕДОНИЈА

“Од 20 часот на втори јануари до 9 часот наутро денеска на трети јануари 2023 година, авиокомпаниите откажаа 10 лета, а пренасочија 3 лета, поради намалена видливост како резултат на густата магла во скопската котлина.

Институтот за јавно здравје денешниот воздух во Берово, Гостивар и Тетово го прогласи за „екстремно лош“ поради зголемени концентрации на PM2.5 честички и ги повика жителите на овие градови да не излегуваат од дома непотребно.

Со денови скопјани не видоа сонце, и генерално концентрациите на ПМ 10 честичките во цела Македонија се далеку над дозволените граници. Најзагадени градови според податоците од  мерните точки се Тетово и Гостивар кои се обоени со пурпурна боја, додека главниот град е обележан со црвена боја, што значи дека загадувањето е „високо“.

ГОРИВАТА ПОСКАПУВААТ

Регулаторната комисија за енергетика ги зголемува цени на нафтените деривати во просек за 1,68 отсто во однос на претходната одлука.

ПРОЕКТИЛ ЕКСПЛОДИРАШЕ БЛИЗУ ФРАНЦУСКИ НОВИНАР

За време на известувањето на францускиот новинар Пол Гасние во живо на програмата на француската телевизија од украинскиот град Краматорск, проектил експлодирал на само неколку десетици метри од репортерскиот тим.

Експлозијата се случила ноќта на 2 јануари додека новинарите во живо ги пренесувале последиците од најновите бомбашки напади што Русија ги изврши врз градови низ Украина, пренесува „Дневник.хр“.

ЧИТАЈТЕ УШТЕ

Денеска ги пренесуваме за вас впечатоците и очекувањата Бранко Грегановиќ, претседател на Управен одбор на НЛБ Банка Скопје.

Да има рангирање за најснаодливи акционери огромна е веројатноста дека извесна Наташа Милева од Скопје ќе биде една од најуспешните. Во предновогодишната еуфорија оваа дама, за која нема потврда дека работи во „Фершпед“, успеа да продаде 171.000 акција во „Уготур“. 

До почетокот на второто полугодие, граѓаните на Тетово, како и многубројните жители на градот кои живеат во странство, а за време на Новогодишните празници се дојдени дома, ќе може да најдат слободно паркинг место во дворовите на неколку училишта.

Голема државна помош со владина интервенција во буџетот, минатиот месец добиле АД Пошта и АД Водостопанство. Двете акционерски друштва во државна сосптвеност по правило треба да опстојуваат од самофинансирање, но за нив Владата само во декември како помош им префрлила вкупно 230 милиони денари на сметките, или поточно околу 3,8 милиони евра.