ФАКТОР НА ДЕНОТ: Лажни дојави за бомби во училишта, но и во Народна банка

Македонија
07 дек 2022

ФАКТОР НА ДЕНОТ: Лажни дојави за бомби во училишта, но и во Народна банка

И ДЕНЕСКА ИМАШЕ ЛАЖНИ ДОЈАВИ ЗА БОМБИ

Дојава за бомба денеска за прв пат е испратен и до Народна Банка на Македонија.

Повторно нови закани и во средните училишта, и тоа дури во девет средни училишта е пристигната дојава за бомба, информираат од Министерство за внатрешни работи.

- Денеска (07.12.2022) околу 09.45 часот во СВР Скопје било пријавено дека на електронска адреса на девет средни училишта во Скопје е упатена закана за поставена експлозивна нaправа.

БЛОКАДИ ЌЕ ИМА, НО ЈОВАНОВСКИ СЕ ПОВЛЕКУВА ОД ПРОТЕСТИТЕ

Ленин Јовановски од „Слобода превоз“ се повлекува од протестот на приватните превозници, но автобусите и натаму ќе го блокираат Скопје.

Јовановски вели дека не сака неговото име да биде изговор за дефокус од вистинскиот проблем што го имаат приватните превозници и затоа се повлекува од протестот.

Јовановски денеска ја навреди скопската градоначалничка Данела Арсовска. Се кае што ја поддржал за изборите и ја нарече психопатка.

САД ЌЕ НИ ПОМОГНЕ ВО БОРБАТА СО КОРУПЦИЈАТА

Бујар Османи, министерот за надворешни работи, го поздрави пристигнувањето во Скопје на американскиот експертски тим за борба против корупција и како одговор на новинарско прашање одговори дека тоа ќе биде еден процес на ветинг кој ќе ги опфати сите нивоа на државното управување.

ПОРАСНАЛЕ ТРОШОЦИТЕ ЗА ЖИВОТ

Инфлацијата се искачи на 19,5 отсто на годишно ниво.

Трошоците за живот во ноември 2022 година скокнале за дури 19,5 отсто во споредба со истиот месец минатата година, објави денеска Државниот завод за статистика (ДЗС). Индексот на цените на мало во ноември годинава има зголемување од 15,2 отсто.

Сојузот на синдикати на Македонија(ССМ) објави дека има ново зголемување на цената на минималната потрошувачка кошничка.

ЧИТАЈТЕ УШТЕ

Руските државјани кои ја напуштија Русија, бараат сместување во Белград, но и работа. Во групи на социјалните мрежи објавуваат што знаат да работат и бараат вработување.

Два саати патувам од дома до работа, релацијата порано ја поминував за 40тина минути. Разбирам дека сакат да ги наплатат долговите, но не треба цел град да биде заложник на нерасчистени должничко доверителски односи.

Подготовките за новата ски сезона веќе се завршени. Инволвираните велат дека нивната задача е завршена, сега се очекува пристигнувањето на гостите и снегот.

Како одминува декември, работниот народ се повеќе се прашува кога ќе биде „судниот ден“ за да му се збогати контото со некој денар плус, или што ќе рече К15. А со оглед што оваа година таа сума ќе изнесува 12.500 денари или точно околу 200 евра, може да се заклучи дека очекуваниот прилив па и не е така лош.