ДОЈАВИ ЗА БОМБИ ВО СКОПЈЕ И КУМАНОВО

Дојави за поставени бомби утрово имало и во основните училишта во Скопје, но и во Куманово.

Скопската градоначалничка Данела Арсовска во Само интервју вечерва кажа дека она што излегло од една политичка кујна е лага. 

Имала една јавна средба со премиерот Димитар Ковачевски, каде биле присутни и други градоначалници. 

„Зошто би размислувала за такво нешто“, праша Арсовска за тоа дали би се повлекла од функцијата.

Вели дека имала закани од еден исти центар и кажа дека со истото се соочиле повеќе лица. 

Од ВМРО-ДПМНЕ, реагираат на изјавата на скопската градоначалничка, Данела Арсовска која вечерва во Само интервју на Канал 5 рече дека добивала закани од лидерот на ВМРО-ДПМНЕ, Христијан Мицкоски дека ќе ја влечкаат по улици и дека со неа ќе го бришат подот. 

Велат дека Арсовска она што го кажа во емисијата ќе треба да го докаже на суд. 

ВУЧИЌ БАРА ВРАЌАЊЕ НА ВОЈСКАТА НА КОСОВО

Донесена е одлука сега во електронска форма, а утре изутрина лично, да доставиме барање до командантот на КФОР одреден број, од стотици, до илјада, наши сили да се вратат во КиМ, вели српскиот претседател Александар Вучиќ.

ЧИТАЈТЕ УШТЕ

Шеваљ Цеку е директор на АД за стопанисување со деловен простор и зема месечна плата од 70.000 денари. И тоа е објавено во годишниот извештај за работата на тоа големи државно претпријатие чија дејност е да издава деловен простор.

Владата повторно, и оваа година, ќе им подели државни пари на весниците во земјава, што се прави со цел да им се помогне на печатените медиуми.

Речиси три месеци во земјава на електронските адреси, прво само на средните училишта во Скопје, потоа во училишта низ градовите во земјава, а во последниве недели дојави за подметнати експлозивни направи стигнуваат и на електронските адреси на разни институции, вклучително и МВР и Народната Банка, како и на Шопинг центри и станбени објекти. 

Сега веќе разрешената директорка на Државниот пазарен инспекторат, Анета Симеска Димоска, до вторникот даваше изјави за медиумите за контролата на високите цени на основните производи, а вчера беше разрешена од Владата и на нејзино место беше назначен Горан Трајковски.

Фејсбук профилот на Горан Трајковски Штраус денеска беше преполн со честитки од социјалдемократи за неговото назначуивање за прв човек на Државниот пазарен инспекторат. 

Голем дел од граѓаните не знаат како да заштедат електрична енергија, но со сет на мерки тоа е можно и е особено важно во време на енергетска криза, кога и власта повика на штедење.

Гасната централа ТЕ-ТО во текот на ноември, кога беше постигнат договор со ЕСМ за набавка, произвел 36.000 мегаватчасови топлинска енергија која се користи за дополнително парно греење на скопјани. Оваа количина е објавена на сајтот на скопската когенеративна централа која од природен гас примарно произведува електрична енергија, а секундарно и топлинска.