КОВАЧЕВСКИ ОДБИ ДУЕЛ СО МИЦКОСКИ

Димитар Ковачевски денеска во емисијата „Само Интервју“ на Канал 5 го одби повикот за ТВ-дуел од страна на опозицискиот лидер Христијан Мицкоски.

Според премиерот Димитар Ковачевски, има конкретни сигнали дека некои пратеници од опозицијата би гласале за уставните измени. 

„Конкретни сигнали има дека некои од овие пратеници би гласале. Процедурата е почната и ќе продолжи“, истакна Ковачевски во вечерашното тв гостување на Канал 5.

ПЕНДАРОВСКИ ЌЕ ДОНИРА ДЕЛ ОД СВОЈАТА ПЛАТА

Претседателот Стево Пендаровски денеска пред медиумите, меѓудругото, рече дека ќе го донира зголемениот дел од 72.000 денари од новата и повисока плата што ја добил за месец април.

Шефот на државата откри дека по 36 илјади денари донирал на две невладини организаци - детското ликовно студио во Свети Николе и здружението на информатичари на Македонија

Пендаровски претходно за медиумите потврди дека добил за 78 отсто повисока плата за месец април, откако Уставниот суд ги укина законските ограничувања.

СИЛЈАНОВСКА ДОБИ ЦВЕЌЕ ОД АРБР АДЕМИ

Пратеникот на ДУИ Арбр Адеми, среде жестоката седница на Комисијата за Европски прашања и подари цвеќе на пратеничката на ВМРО-ДПМНЕ, Гордана Силјановска Давкова.

ЧИТАЈТЕ УШТЕ

Во петокот минатата недела беа продадени 1.055 акции на прилепската кондиторска компанија „Витаминка“, преку две блок трансакции на Македонската берза. Преку двете трансакции купени се 1,38 од акциите на компанијата, за ввупна сума од близу 232 илјади евра, или 14,2 милиони денари. Нема информации кој е купувачот на овие акции, кој за близу еден и пол процент од акциите на „Витаминка“ плати сума од над 230 илјади евра.

Струјата што е истргувана на Македонската берза ќе се троши денеска. Највисока е цената за испорака денеска во 21 часот и таа изнесува 170 евра за еден мегаватчас. Најниска цена е платена за струјата што ја потрошивме денеска во 4 часот наутро и таа изнесувала 91 евро за мегаватчас. Вкупната истргвана струја на берзата е околу 2 отсто од тоа што сите потрошувачи во нашиот систем ќе го потрошат денеска. Аирлија!

Фудбалскиот клуб на нашата позната спортска икона Горан Пандев е дефинитивно продадена на италијанската компанија „Брера Холдинг“, односно странската фирма станува сопственик на 90 отсто од акциите.

Зоран Китанов, поранешниот директор на Јавното претпријатие за државни патишта, наскоро почнува со изградба на фотонапонски централи. На крајот од минатата година негоавата компанија „К-Пауер“, регистрирана во 2021 година, до Регулаторната комисиај за енергетика поднела барање за одобрување лиценца за три фотоцентрали со моќност поголема од 8 мегавати, кои ќе се градат во Рибарци, Општина Росоман.