ФАКТОР НА ДЕНОТ: Ковачевски го доби мандатот, а Мијалков излезе од притвор
КОВАЧЕВСКИ ГО ДОБИ МАНДАТОТ
Претседателот Стево пендаровски му го додели мандатот за составување на Влада на претседателот на СДСМ, Димитар Ковачевски.
„Од денес почнувам со составување на Владата. Ваквите времиња бараат стабилни и одговорни луѓе. Затоа е потребно ефикасно, чесно и одговорно владеење.
Моја лична заложба е да ја вратиме довербата на граѓаните во институциите. Секоја минута од нашето време ќе биде поосветена на клучните проблеми како економската несигурност и економската нестабилност.MИЈАЛКОВ ИЗЛЕЗЕ ОД ПРИТВОР
Екс директорот на УБК, Сашо Мијалков, вечерва излезе од истражниот затвор во Шуто Оризари.
Тој од вечерва е на слобода откако Апелација денеска му го укина притворот, кој му беше одреден за случајот „Плацеви на Водно“.
„Не бегам, зошто да бегам“, изјави Мијалков.НА РАШКОВСКИ ЌЕ МУ СЕ СУДИ
На поранешниот генерален секретар на Владата, Драги Рашковски ќе му се суди за набавката на софтверот.
Кривичниот суд денеска објави дека обвинителниот акт против него и уште шест лица за нелегалната набавка на софтвер и перење пари поднесен од Основното јавно обвинителство за гонење организиран криминал и корупција на 8 октомври е оценет и одобрен во целост.СКОРО 400 ЗАРАЗЕНИ СО КОРОНАВИРУСОТ
Денес се регистрирани 396 нови лабораториски позитивни случаи на SARS CoV-2, со што вкупната бројка на дијагностицирани лица со КОВИД-19 изнесува 224.134 - Оздравени се 207 пациенти – пријавени се 14 починати лица во изминативе 24 часа.
Министерството за здравство информира, согласно податоците од Институтот за јавно здравје дека во последните 24 часа:
Направени се 4.858 тестирања, а регистрирани се 396 нови случаи на КОВИД-19.ОСМАНИ ОТКРИ ШТО БАРАЛА ЗАХАРИЕВА
Министерот за надворешни работи Бујар Османи на брифинг со новинарите откри дека минатата година во декември тогашната министерка за надворешни работи на Бугарија, Екатерина Захариева му дала предлог договор за решавање на спорот меѓу двете земји, јавува репортерот на ТВ21.
Слично
Поврзани вести
