ФАКТОР НА ДЕНОТ: Kоалиционите партнери на Заев тврдат дека избрзал со оставката, тие се против предвремени избори
КОАЛИЦИОНИТЕ ПАРТНЕРИ НА ЗАЕВ ТВРДАТ ДЕКА МНОЗИНСТВОТО Е СТАБИЛНО
Претставници на сите партии од парламентарното мнозинство потврдија дека мнозинството во Собранието е стабилно, соопштуваат од Владата.
На покана на премиерот Зоран Заев денеска во Владата се одржа средба на претставници на сите политички партии кои го сочинуваат парламентарното мнозинство во Парламентот.Вицепремиерот Артан Груби вели дека тие дале недвосмислена поддршка за коалицијата и за продолжување на реформската агенда на Владата.
Според него, не смееме да си дозволиме авантури во oвие кршливи моменти. Смета дека оставката на премиерот Зоран Заев е избрзана.
Вели дека ова се локални, а не парламентарни избори, дека добиле мандат да ја водат земјата на евроатлантскиот курс и дека сите сметаат дека само оваа влада може да ги реши проблемите со Бугарија, да го гарантира Преспанскиот договор, да ги гарантира меѓуетничките односи и да обезбеди напредок во евроинтеграцијата.
„Сите партнери кои учествуваат во Владата беа апсолутно против оставката на Зоран Заев зошто сметаат дека беше избрзана и дека граѓаните очекуваат да продолжи со политиките“, рече Груби.
ОСТАВКАТА ЈА КОМЕНТИРААТ И ВО РЕГИОНОТ
Српскиот претседател Александар Вучиќ ги искоментира најновите случувања на македонската политичка сцена.
Според него, не се работи само за резултатот од изборите, туку дека има и други причини за оставката на премиерот Зоран Заев. Тој вели дека оставката на Заев се должи и на разочарувањето од преговорите за членство на земјата во ЕУ.
„Рекоа дека ако го потпишат Договорот од Преспа, Северна Македонија ќе добие отворање на преговорите со ЕУ, а тоа не се случи“, изјави Вучиќ за ТВ Пинк од Глазгов, каде што учествува на Самитот на ОН за климатските промени.НОВИ 153 ЗАРАЗЕНИ СО КОРОНАВИРУСОТ
Министерството за здравство информира, согласно податоците од Институтот за јавно здравје дека во последните 24 часа:
Направени се 1.549 тестирања, а регистрирани се 153 нови случаи на КОВИД-19:
Скопје – 108, Куманово – 12, Прилеп – 9, Кавадарци – 6, Битола – 5, Крива Паланка – 4, Виница – 2, Струмица, Кичево, Неготино, Свети Николе, Берово, Делчево и Пробиштип – по 1.
Слично
Поврзани вести
