ЌЕ СЕ УКИНЕ ПОЛИЦИСКИОТ ЧАС

Утрово Комисијата за заразни болници донесe одлука на Кризниот штаб да му биде предложено од 16 јуни да се укине целосно полицискиот час. Според Комисијата, епидемиолошката состојба е стабилна и го дозволува ова.

Исто така, предложено е да се укине ограничувањето од максимум 100 гости на свадби и прослави.

ДЕНЕС ИМА 4 ЗАБОЛЕНИ ОД КОРОНАВИРУС

Министерството за здравство информира, согласно податоците од Институтот за јавно здравје дека во последните 24 часа се направени 1.337 тестирања, а регистрирани се 4 нови случаи на КОВИД-19, и тоа тројца од Скопје и еден од Прилеп. 

Регистрирани се 14 оздравени пациенти од: Скопје – 8, Куманово – 3, Прилеп, Неготино и Македонска Каменица  –  по 1.

Пријавено е едно починато лице:  од Скопје (66г), во болнички услови.

Направени се 1.337 тестови преку: ИЈЗ-28, ЦЈЗ Скопје-27, ЦЈЗ Битола-0, ЦЈЗ Прилеп-0, ЦЈЗ Тетово–0, ЦЈЗ Куманово–0, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија-0, ГОБ 8-ми Септември-0, Институт за микробиологија–0, МАНУ-0, Жан Митрев (Филип Втори)-128, Авицена-81, Биотек-157, Систина-115, лабораторија Лаор-0, Синлаб-14, Ремедика-0, Плодност–0, Генеа–0, Никоб лаб-141, ВФВ Медикал-49, ЈЗУ и ПЗУ (рапид тест) – вкупно 597.

СУДИИТЕ ЌЕ ДОБИВААТ ПОВИСОКИ ПЛАТИ

Министерот за правда Бојан Маричиќ на заедничка прес-конференција со претседателот на Здружението на судиите Џемали Саити, изјави дека е постигната согласност за зголемување на платите на судиите за 15 отсто.

-По повеќе години дебати со Здружението на судии дојдовме во фаза каде што постигнавме согласност и сериозен напредок во нашите разговори. Денес на нашата средба се договоривме дека има согласност од Владата и Здружението на судии за зголемување на платите на судиите во вкупен износ од 15 отсто. Тоа зголемувањето ќе се одвиваат постепено, односно 10 отсто оваа и 5 отсто следната година, кажа Маричиќ.

СЕ ОТСТРАНУВААТ ПЛАТФОРМИ ВО СТРУГА

Рамиз Мерко, градоначалникот на Струга, денеска рече дека шест платформи на плажите на Охридското крајбрежје ќе се отстранат, додека останатите објекти имале одобрение. Ова струшкиот градоначалник го кажа пред првиот вицепремиер Артан Груби и министерот за информатичко општество и администрација Јетон Шаќири.

ЧИТАЈТЕ УШТЕ

Речиси сите увозници на облека произведена од реномирани глобални бренд-производители лани биле на работ на рентабилноста или во позитивна нула. Заеднички им се , со само еден исклучок, големи падови на профитот проследени со значајни намалувања на продажбата

Технолошко индустриската развојна зона Скопје 1, односно онаа во Бунарџик, има површина од 140 хектари, од кои корисна површина е 71 отсто. Површина издадена под закуп е 49 процентио, а процентот на искористеност е само 20 отсто.