КИЧЕЕЦ ОДИ ВО ПРИТВОР

Зоран Милевски Кичеец од попладнево е префрлен во затворот во Шуто Оризари откако Основниот суд во Гостивар му одреди 30 дневен притвор. Тој е осомничен дека ја предизвикал сообраќајната несреќа близу Стража во која загина 34 годишен гостиварец.

Зоран Милески Кичеец имал одобрен прекин на издржувањето на затворската казна во рок од 30 дена, период кој нема да му се засметува во издржаната казна, соопштија  вчера од Управата за извршување на санкции. 

Тој бил пуштен на 10 август, а надвор од затворот требало да остане до 9 септември. Инаку Кичеец ја издржува затворската казна во КПД од отворен вид во Струга. Побарал да биде пуштен за да оди на лекување, оти, како што навел му била влошена здравствената состојба.

Кичеец беше осуден во случајот „Рекет“. 

Министерството за здравство информира, согласно податоците од Институтот за јавно здравје:

Во последните 24 часа се направени 6.425 тестирањe, а регистрирани се 682 нови случаи на КОВИД-19:

Скопје – 317, Куманово – 51, Тетово – 49, Битола – 31, Кичево – 30, Кавадарци – 22, Гостивар – 19, Струмица – 18, Ресен – 15, Прилеп – 13, Охрид и Струга – по 11, Делчево -10, Пробиштип и Валандово – по 8, Радовиш, Крива Паланка и Кратово – по 7, Штип и Дебар – по 6, Велес, Неготино, Свети Николе и Берово – по 5, Кочани и Гевгелија – по 4, Виница и Демир Хисар – по 2, Богданци, Пехчево, Македонска Каменица и Дојран – по 1.

Регистрирани сe 1.031 оздравени пациенти од: Тетово – 393, Скопје – 296, Гостивар – 99, Куманово – 57, Кичево и Охрид – по 28, Струга – 25, Дебар – 21, Струмица – 15, Битола – 13, Прилеп – 11, Велес – 10, Македонски Брод – 8, Пехчево – 5, Радовиш и Кочани – по 4, Виница – 3, Валандово, Кратово, Свети Николе и Берово – по 2, Кавадарци, Ресен и Македонска Каменица – по 1.

ПОПИШУВАЊЕТО ПРОДОЛЖУВА

Апостол Симовски, директорот на Државниот завод за статистика, по вчерашниот прекин на системот, денеска изјави дека претпладнето националниот попис продолжил со попишувањето. 

- Денешното рестартирање на процесот значи дека повеќе ќе нема вакви проблеми. Она што вчера ни се случи, тој технички проблем, наиде на решение и сето е ова за да го нема повеќе истиот. Тие беа предвидени и однапред, има постојана екипа која е подготвена и се оклонуваат работите од провајдерот на апликацијата и од провајдерот на конекцијата, рече Симовски денеска при посетата на Куманово.

СЕ УШТЕ Е АКТУЕЛЕН СКАНДАЛОТ ВО МНР

Премиерот Зоран Заев денеска во Сарај, коментирајќи го апсењето на македонскиот дипломат во Србија со издадена меѓународна потерница од Ерменија уште во февруари 2020, рече дека истиот бил активен во времето на поранешните министри за надворешни работи од ВМРО-ДПМНЕ - Антонијо Милошоски и Никола Попоски.

„Се работи за наш граѓанин и стоиме зад него се додека не се достават материјали дека е вмешан во кривично дело. Овој човек бил доста активен во времето на ВМРО-ДПМНЕ, назначен во ОБСЕ по различни линии, уште во времето на Милошоски и Попоски“, изјави Заев на новинарско прашање.

ЧИТАЈТЕ УШТЕ

Сточарите во Источна Македонија, посебно во деловите кои беа зафатени со пожари, се плашат од наезда на волци зимава.

Продадената зграда на Акционерското друштво за изградба и стопанисување со станбен и деловен простор му помогна на ова претпријатие во државна сопственост да ги намали долговите кон деловните банки, но наплатата на побарувањата што ги има, а при тоа тешко успева да ги реализира, се зголемиле минатата година.

Владата предлага по скратена постапка да се донесе Законот за изградбата на автопатот Кичево- Охрид со кој треба да се усвои нов анекс и да се продолжи рокот што кинеската компанија Синохидро како изведувач го има за да го доврши проектот.

„Грозд“ е производител на прочуената струмичка „мастика“ и на освежителната „Струмка“. Компанијата е во одлична кондиција затоа што за зголеми продажбата за 20 отсто, побарувањата и се двојно поголеми од обврските и работи без кредитна поддршка. За шест месеци успеа да го дуплира извозот, а на домашниот пазар портфолиото го зголеми за 20 отсто!

Денешните трговски центри имаат зголемена побарувачка за подобра понуда во категоријата храна и пијалоци. Ексклузивниот лизинг агент “Cushman&Wakefield/FortonMKA и тимот на Ист Гејт Мол постојано ги следат трендовите на потрошувачите и врз основа на истите создадоа стратегија со која го позиционираат Ист Гејт Мол како трговски центар на новата генерација.

Четвртиот бран на корона вирусот избувна во Македонија од почетокот на август. Нагло се зголеми бројот на новозаразени, а како последица на тоа почна и преполнувањето на болничките капацитети, посебно во Тетово, Гостивар, Кичево, Струга, Струмица..., како и Инфективната клиника во Скопје.