УЈП И ФЗО КАЗНИЈА ГИНЕКОЛОЗИ

Директорот на Фондот за здравствено осигурување Сашо Клековски објави дека се исконтролирани 49 приватни гинеколошки здравствени установи, односно матични гинеколози во заедничка контрола со УЈП поради зачестени преставки од пациенти.

Од 2012 досега не била направена ваква контрола,при што 23 ординации работеле неуредно и на нив им биле изречени санкции.

КОСТАДИНОВСКИ ВЕЛИ ДЕКА ВЛАСТА ВРШИ МОБИНГ ВРЗ СУДСТВОТО

Претседателот на Уставниот суд, Дарко Костадиновски се пожали денеска дека од власта трпат притисоци. Тој најави и значително поинакви одлуки на уставните судии во текот на претстојната година за да се воведе дисциплина. 

„Ако забележувате, во изминатиов период државните органи беа нервозни. Имаше интерпелација за мене, имаше изјави од типот „кој е тој Уставен суд да ни дава рокови и задачи?“. За исполнување на нашата одлука за Законот за електронски комуникации, доцнеа два месеци, сега доцнат десет месеци со измените во Кривичниот законик… Може слободно да пренесете: медениот месец за кој било државен орган завршува. Ние имаме механизми и видови одлуки со кои сме цврсто решени да воведеме уставна дисциплина. Во наредната година може да очекувате многу поинакви одлуки од Уставниот суд“, најави Костадиновски.

Тој особено кажа дека не смее да се дозволи надмоќ или доминација на една власт над другата.

УЈП ИСПРАТИЛО 10.000 ПОКАНИ ДО ГРАЃАНИТЕ КОИ РАБОТЕЛЕ ВО СТРАНСТВО ЗА ДА ПЛАТАТ ДАНОК

Директорката на Управата за јавни приходи, Елена Петрова, на денешната прес-конференција одговарајќи на новинарски прашања рече дека биле испратени 10.000 покани до граѓаните да го платата данокот на приход остварен во странство.

Има и такви покани да се плати овој данок за приход остварен во 2020 година, з ашто денес ќе има и протест во Куманово, но директорката Петрова вели дека тоа не е ретроактивно работење.

- Сакам да кажам дека воопшто не се работи на ретроактивно оданочување. Тоа не е законска одредба која сакаме да ја примениме ретроактивно. Се работи за законска одредба која постоела одсекогаш. Тоа е одкога е донесен Законот за личен доход, а било регулирано и претходно со Законот за персонален доход. И уште поважно, се работи за еден универзален принцип кој што се применува во секоја даночна јурисдикција. Треба да се пријави и оданочи светскиот доход од каде и да е, рече таа.

ЧИТАЈТЕ УШТЕ

Владата на Македонија објави јавен оглас за избор на тројца членови на Советот за иновации, научно-технолошки развој и претприемништво, кои ќе бидат избрани од редот на домашни и меѓународни експерти. 

Сашо Петровски,  новиот член на Советот на општина Кисеа Вода од владејачкиот коалиционен партнер „Движење ЗНАМ“, стана нов сопственик на фирма која месец и пол дена претходно добила тендер од 1,2 милиони евра за хигиенско одржување на АД Пошта.

Скопјани на Водно бараат спас од загадениот воздух, а битолчани имаат можност да отидат на Пелистер. Жителите на многу македонски градови одат во селата за да дишат почист воздух. Мал е бројот на градови каде квалитетот на воздухот во зима е на задоволително ниво.

Даме Димитровски, новиот претседател на Советот на град Скопје, по изборите доби поддршка за неговата работа од речиси сите советнички групи, а тој подаде отворена рака за соработка за оваа клучна градска институција повеќе да не биде кочница или изговор за неработење на градоначалникот. Димитровски вели дека програмата на Орце Ѓорѓиевски е одговор за наталожените проблеми на Скопје, но и развојна со визија за следните 20 години.

foto freepik.com