МИТРЕСКИ ГИ РАСПИША ИЗБОРИТЕ

Претседателот на Собранието, Јован Митрески, точно во 17.часот ги распиша претседателските и парламентарните избори. 

-Во согласност со мојата уставна надлежност и уставно предвидените рокови ги потпишав решенијата за распишување на изборите за претседател на Република Северна Македонија и за пратеници во Собранието, истакна Митрески во изјавата.

Првиот круг од седмите претседателски ќе биде на 24. Април, а вториот круг ќе се поклопи со 11-тите по ред парламентарни избори кои ќе се одржат на 8. Мај.

МАКСИМ ПОДНЕСЕ КРИВИЧНА ПРОТИВ СПАСОВСКИ ЗА ХАОСОТ СО ДОКУМЕНТИТЕ

Партијата Движење „ЗНАМ-ЗА НАША МАКЕДОНИЈА“, како што се наведува во нивното соопштение, во консултации со граѓаните ширум Македонија како и со своето членство и поддржувачите, одлучи да поднесе кривична пријава против лицето Оливер Спасовски од Куманово и против Министерството за внатрешни работи на Република Сверена Македонија.

ОБВИНИТЕЛСТВОТО ОТВОРИ ПОСТАПКА ЗА НАСИЛНИТЕ МАЛОЛЕТНИЧКИ

Основното јавно обвинителство Скопје до судијата за деца поднело барање за поведување подготвителна постапка за насилство од страна на двете малолетнички, за кои излезе снимка на социјалните мрежи како тепаат соученичка во центарот на СКопје.

„Двете малолетнички, на 9 февруари, на улицата „Мирослав Крлежа“ во Скопје, ја загрозиле сигурноста на друго девојче, вршејќи грубо насилство кон оштетената. Девојчињата најпрвин разговарале и започнале да се расправаат, по што двете ја фатиле оштетената и ја собориле на земја, па ја удирале со тупаници и клоци додека не ги раздвоил сведок на настанот. Со ова предизвикале телесни повреди кај девојчето, како и чувство на вознемиреност во јавноста“, објави Обвинителството.

Во текот на постапката јавниот обвинител предлага да се сослушаат децата во судир со законот и оштетената, како и сведоци на настанот, да се прибави вештачење на видот и карактерот на повредите, да се обезбедат снимки од сведоци на настанот, да се прибави мислење од Центарот за социјални работи, како и да се преземат сите други неопходни дејства.

ЧИТАЈТЕ УШТЕ

Граѓаните велат дека во земјава од корен треба да се менуваат работите ако сакаме поквалитетен живот. Според нив, во сите сектори треба да има темелни промени.

По подолго време, осамна оглас на веб страната на Агенцијата за управување со одземен имот, за продажба на возила одземени од криминал, односно од кривична и прекршочна постапка.

Ќе се воведе Извршен одбор како орган на управување на Народната банка кој ќе преземе дел од овластувањата и задачите на гувернерот.

Австрија не е членка на НАТО пактот и со тоа нема дополнителен притисок да мора да купува поскап втечнет гас (кој е поскап од рускиот) од САД, африканските земји или Катар.

Заедниците на станари и управителите на колективните домувања од оваа година може да плаќаат помалку за струја, бидејќи заедничкото броило од зградите „ќе наплаќа“ електрична енергија по тарифа само од третиот блок.