ТЕПАЧКА ИМАШЕ НА ПРОТЕСТОТ ВО ТЕТОВО

Демонстрант во Тетово се обиде да нападне полицајци со бекатон-плочка, на протестот на кој се бараше правда за загинатите во пожарот во модуларната болница. 

Вечерва на социјалните мрежи се појави ново видео од инцидентите. 

Во инцидентот има 4 повредени полицајци, но има и 2 приведени. 

Портпаролот на СВР Тетово, Марјан Јосифоски, соопшти дека четворица полициски службеници се полесно повредени во денешниот протест, а од слобода се лишени две лица, и тоа 52 годишник од Тетово и 31-годишник од Кичево. Полицијата во координација со јавен обвинител работи на расчистување на случајот, по што против инволвираните во настанот ќе следуваат соодветни поднесоци.

ОД ОКТОМВРИ ЌЕ СЕ БАРА ПОТВРДА ЗА ПРИМЕНИ ДВЕ ДОЗИ ВАКЦИНА ПРОТИВ КОВИД

Министерот за здравство Венко Филипче денеска изјави дека во Институот за јавно здравје се прави детална анализа која се однесува на бројот на новозаразени со ковид, возрасните групи, како и опфатот на вакцинација по градови. Од податоците од оваа анализа, како што истакна министерот Филипче, ќе зависи какви мерки ќе се предлагаат во наредниот период.

-Станува збор за битна анализа која ќе биде еден од индикаторите за тоа какви мерки евентуално дополнително био предложиле. Сакам да потенцирам дека една од мерките што сигурно ќе се препорача, но секако ќе оставиме и доволно време да помине, две или три недели, а тоа е потврдата која сега мора да се приложи за влез во молови угостутелски објекти и на други места за примена барем една доза вакцина, тоа ќе прерасне во потврда за примени две дози вакцини или целосно вакцинирани граѓани. Ова најверојатно ќе биде препорачано во октомври, истакна министерот Филипче.

УШТЕ 29 ЛУЃЕ ПОЧИНАА ОД КОВИД

Министерството за здравство информира, согласно податоците од Институтот за јавно здравје:

Во последните 24 часа се направени 4.384 тестирање, а регистрирани се 561 нов случај

на КОВИД-19:

Скопје – 249, Куманово – 49, Струмица – 40, Охрид – 30, Штип – 25, Тетово – 23, Прилеп – 18, Кавадарци – 16, Битола – 14, Велес – 12, Кичево – 10, Гостивар – 9, Радовиш – 8, Кочани – 7, Струга и Свети Николе – по 6, Ресен и Дебар – по 5, Гевгелија, Берово, Виница и Македонска Каменица – по 4, Неготино – 3, Крива Паланка, Делчево, Валандово и Кратово – по 2, Пробиштип и Богданци – по 1.

Регистрирани сe 507 оздравени пациенти од: Скопје – 201, Тетово – 39, Гостивар – 37, Куманово – 33, Струмица – 25, Штип и Кичево – по 18, Прилеп и Дебар – по 16, Кавадарци – 15, Свети Николе – 13, Велес – 12, Кратово – 10, Битола – 9, Радовиш и Берово – по 8, Кочани – 6, Виница и Крива Паланка – 4, Ресен, Валандово и Пробиштип – по 3, Гевгелија и Неготино – по 2, Делчево и Богданци – по 1.

ЧИТАЈТЕ УШТЕ

По прележување на коронавирусот, многу луѓе се борат со депресија, панички напади, анксиозност.

Кој од кого го препишал законот и во чија програма тој изворно постоел, но и кој се формално ќе важи како негов предлагач, беше предмет на дебата меѓу пратениците од различните политички партии во текот на вчерашниот ден.

Славица Кутиров во моментов е првиот човек на Царинската управа и најодговорниот  кога станува збор за наплата на царините на самите гранични премини и на аеродромите. Го превзеде раководењето откако Горан Сугарески одлучи да се кандидира за градоначалник на Прилеп на локалните избори во октомври.

Најмногу должат кон банките, но имаат и други долгови. Економската криза лани го зголеми вкупниот долг на компаниите во земјава на вкупно 7,4 милијарди евра. Растот во сума не е можеби толку голем со оглед дека активноста на компаниите практично згасна во пандемиската 2020 година. 

Инфективното одделение при Клиничката болница Штип е целосно реновирано, а за една недела се очекува да биде поставен и најсовремен противпожарен систем, вели во изјава за Фактор, директорот на Клиничка болница-Штип, д-р Ален Георгијев.