ЕК ВО ИЗВЕШТАЈОТ НАВЕДУВА ДЕКА МАКЕДОНИЈА НЕ НАПРАВИ УСТАВНИ ИЗМЕНИ

Нема конкретни чекори од Македонија во обврските потребни за продолжување на европскиот пат со  вметнување на Бугарите во Уставот, се наведува во Извештајот на Европската комисија за напредокот на земјава. Во него децидно се истакнува дека  ништо не е направено за да се донесат уставните измени, што е обврска од Договорот за добрососедство, а во него се наведува и исполнувањето на Договорот со Грција, но како што се прецизира треба да има добра волја од сите страни.

„Северна Македонија изминатава година не презела решителни чекори за напредок во преговорите за членство и се уште не ги усвоила уставните измени, вклучително и за вклучување во Уставот на граѓани кои живеат во нив, а се дел од други народи, како што се Бугарите, согласно заклучоците од јули2022 година, кои се обврзала да ги започне. Билатералните договори со соседните земји, вклучувајќи го и Преспанскиот договор меѓу Грција и Северна Македонија и Договорот за пријателство, добрососедство и соработка меѓу Бугарија и Северна Македонија бараат доверба од сите страни“, се вели во извештајот на ЕК.

МИЦКОСКИ ВЕЛИ ДЕКА ПОРАДИ ВЕШТАЧКИ СПОРОВИ МАКЕДОНИЈА СТОИ ВО МЕСТО

Премиерот Христијан Мицкоски вели дека по две и пол децении по почнувањето на нашиот пат кон членство во ЕУ, ние уште сме на истото место, не затоа што не ги исполнуваме Копенхашките критериуми, туку поради некои вештачки причини. 

Тој говореше на денешниот Самит за проширувањето во Брисел, организиран од страна на телевизијата Еуроњуз.

МЕМОВ РЕТЕРИРА ЗА КРИТИКАТА УПАТЕНА КОН ВРЕДИ

Никола Мемов од ЗНАМ тврди дека вчера изнесениот став бил личен, а не партиски.

Откако вчера вечерта тврдеше дека ВРЕДИ го изиграле ВМРО-ДПМНЕ на изборите, денеска ретерира.

„Вчерашната објава на мојот Фејсбук профил во однос на поддршката помеѓу партнерите во владата на локалните избори е мој личен став и не изразува став на Движењето ЗНАМ за Наша Македонија. Гледам дека оваа моја лична објава предизвика внимание, но и негативни реакции. Победата на овие локални избори што ја остварија ВМРО – ДПМНЕ, ЗНАМ и ВРЕДИ е резултат на нашата взаемна поддршка во сите општини во Македонија, што е потврда на имплементацијата на конзистентните политики на владата во изминатиот период“, пишува тој. 

МЕЏИТИ СЕДНА ВО ГРАДОНАЧАЛНИЧКОТО СТОЛЧЕ 

Поранешниот градоначалник на Чаир, Иџет Меџити, ја презема старо новата функција од неговиот претходник, Висар Ганиу. Меџити ќе ја води општина Чаир во следните четири години.

„Денес ја прифатив функцијата градоначалник на Општина Чаир.

ЧИТАЈТЕ УШТЕ

И овие локални избори во поголемите градови има по илјадници неважечки гласачки ливчиња, додека во одредени општини и излезноста е ниска, што алармира дека гласачите се незадоволни. На ниво на целата држава, излезноста е под 50 отсто, а бројот на неважечки гласачки ливчиња е 23.930.

Една од најуспешните компании од Прилеп со значителен раст на заработката оваа година, особено во споредба со истиот период минатата година.

Прoсечната месечна нетo плата по врабoтен во Јавното претпријатие „Државни патишта“ надминала илјада евра уште во текот на ланската година. Тоа најверојатно било овозможено од големата добивка и од високите приходи што се наплаќаат од патарините, регистрациите на возила и од акцизите од горивата, како и од другите услуги..

Стариот политички лисец Али Ахмети не планира да си поднесе оставка по изборниот пораз на ДУИ и коалицијата Национална алијанса за интеграција. Ахмети дури смета дека тие се и победници ако се гледаат гласовите на советничките листи.

foto freepik.com