ДУИ И ЛЕВИЦА ЌЕ ОДАТ НА ЛИДЕРСКА

Во Клубот на пратениците утре ќе се одржи лидерска средба на премиерот и претседател на ВМРО-ДПМНЕ, Христијан Мицкоски, со претседателите на парламентарните партии кои имаат пратенички групи во Собранието, на која, како што е најавено, ќе се разговара за реформските закони од правосудството, за изборот на народен правобранител, за Изборниот законик и за укинување на техничката влада, но и за други прашања на предлог на учесниците на средбата.

Од ДУИ вечерва потврдија дека лидерот Али Ахмети утре ќе присуствува на лидерската средба која ја свика премиерот Христијан Мицкоски.

Засега, нема детали каков ќе биде ставот на Ахмети за техничката влада. 

Од коалициските партнери во Владата на средбата се очекуваат претседателот на ЗНАМ и градоначалник на Куманово, Максим Димитриевски, а од коалицијата „Вреди“, градоначалникот на Тетово, Биљал Касами.

Левица најави дека прифаќа да се укине техничката влада, но само ако се воведе една изборна единица.

ВЛАДАТА ГИ ИЗБРА КАНДИДАТИТЕ ЗА СТРАЗБУР

Владата на денешната 141-ва седница ја усвои листата на кандидати за позицијата судија во Европскиот суд за човекови права (ЕСЧП).  Номинирани се тројца кандидати: Јордан Апостолски, Наташа Бошкова и Сашо Георгиевски.

КАДИР КАРА КОЈ УБИ СОНАРОДНИК ВО ШТИП ДОБИ 17 ГОДИНИ ЗАТВОР

Основниот суд во Штип му изрече казна затвор од 17 години на Кадир Кара, турски државјанин кој призна дека го убил својот сонародник во кафуле на градскиот плоштад. Покрај затворската казна, на Кара му е одредена и мерка протерување од државата, која ќе се изврши откако ќе ја одлежи казната во македонски затвор.

БУГАРСКИ ДРЖАВЈАНИН Е СПРЕЧЕН ДА ВЛЕЗЕ ВО МАКЕДОНИЈА

МВР извести дека е лишен од слобода бугарски државјанин на граничен премин Деве Баир, откако кај него биле пронајдени боксирач и транспарент со навредлива содржина.

ЧИТАЈТЕ УШТЕ

Турците во земјава велат дека нивните сонародници кои имаат потекло од Македонија, а живеат во Турција, сакаат да земат и македонско државјанство, со цел да им се олесни патот доколку планираат отворање на бизнис, образование, но и полесно да патуваат во странство без визи. Додаваат дека тие луѓе заминале од земјава пред неколку децении, а дел тука имаат и роднини.

Американската економија отсекогаш била клучниот барометар за глобалните движења, а нејзините циклуси на контракција и експанзија се предмет на постојана дисекција од страна на светските аналитичари.

Најавениот нов антипушачки закон, со кој Владата планира целосна забрана за пушење во кафулиња, ресторани, барови, па дури и во автомобилите, предизвика силни реакции и жестока дебата на социјалните мрежи.

Државата ги продаде запленетите акции на поранешниот шеф на тајната полиција, Сашо Мијалков, во поранешна Стопанска банка АД Битола (сега Алта банка), според она што е објавено како информација на Македонска берза.