ДЕЛТА СОЈОТ ДОМИНИРА ВО ЗЕМЈАВА

Според последната направена анализа, како што денеска соопшти министерот за здравство, Венко Филипче, дури две третини од позитивните граѓаните во државата се заразени со делта варијантата.

ТЕУТА АРИФИ БАРА ТРИ НЕДЕЛИ ОН ЛАЈН НАСТАВА ВО ТЕТОВО

Градоначалничка Теута Арифи бара во тетовскиот регион првите три недели од новата учебна година да бидат онлајн, а потоа учениците да почнат да одат во училиштата. Барањето следува по неколкудневниот раст на бројот на заболени во градот, а веќе е испратено до Кризниот штаб на Владата, Министерството за образование и Комисијата за заразни болести, чија одлука се очекува утре. Барањето се однесува за сите нивоа, од основно образование до универзитетската настава. 

„Претставници од Клиничка болница велат дека освен што има болни од Ковид лица над 18 години исто така веќе има и точки низ регионот каде што има и заболени деца. Така ние веќе го имаме пикот и сметаме дека во овие три недели децата треба да бидат надвор од тие движења и да стопираме можни инфекции. После три недели да се вратат со физичко присуство. Бараме и другите оштини да не поддржат, бројките зборуваат дека тука сме сите, изјави Теута Арифи по денешната средба на општинскиот кризен штаб. 

Тетово го достигна пикот, не треба да се претерува со дополнителни мерки, вели заменикот министер за здравство Илир Хасани. 

ЗА 24 ЧАСА ИМА 27 ПОЧИНАТИ ОД КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 5.982 тестирањe, а регистрирани се 1.082 нови случаи на КОВИД-19:

Скопје – 406, Куманово – 93, Тетово – 87, Гостивар – 72, Струмица – 70, Кичево – 57, Прилеп и Велес – по 32, Кавадарци, Охрид и Струга – по 24, Битола – 23, Штип – 21, Радовиш – 18, Ресен – 15, Кочани – 14, Гевгелија и Делчево – по 9, Свети Николе, Крива Паланка и Виница – по 7, Дебар – 6, Македонски Брод – 5, Неготино и Кратово – по 4, Валандово – 3, Пробиштип, Крушево и Македонска Каменица – по 2, Богданци,Пехчево и Дојран – по 1.

Регистрирани сe 492 оздравени пациенти од: Скопје – 139, Тетово – 89, Гостивар – 85, Куманово – 38, Струмица – 30, Кичево – 25, Берово – 15, Штип и Кочани – по 10, Битола – 9. Радовиш – 7, Прилеп – 6, Валандово – 5, Кавадарци и Дебар – по 4, Делчево – 3, Охрид,  Ресен, Крива Паланка и Македонски Брод – по 2, Велес, Гевгелија, Свети Николе, Кратово и Пехчево – по 1.

ИЗРАБОТЕНИ СЕ 13.000 ЛИЧНИ КАРТИ

Оливер Спасовски, министерот за внатрешни работи, денеска информираше дека 13.000 нови лични карти до сега се обновени од страна на службите по претходен истечен рок.

ДИЈАСПОРАТА ПОБРЗО ЌЕ ВАДИ ЛИЧНИ КАРТИ

Министерството за надворешни работи и министерството за внатрешни работи објавија почеток на работатата на инсталирани 15 мобилни и фиксни базни станици во дипломатско-конзуларните преставништваза дијаспората побргу да вади лични документи.

ЧИТАЈТЕ УШТЕ

Во Крушево имаше туристички посети за празникот Илинден, но поради забраната за движење во шумите, пропаднаа параглајдерски натпревари.

Пратениците се враќаат на своите работни места во септември, а според владината законодавна програма за 2021, едни од најважните што ги очекува за разгледување од новите предлози што ги токми Владата а допрва треба да влезат во Собранието, се предлог законот за помилување и законот за вонредна и воена состојба.

МБИ-10 се избори за своето место под сонцето! Веќе е фактор или како што милуваат да кажат економските теоретичари „берзанскиот индекс е барометар на националната економија“. 

Граѓаните кои скенираат фискални сметки се повеќе се жалат дека наидуваат на проблеми при скенирањето, односно дека не успеваат да „прочитаат“ многу од нив преку своите паметни телефони.

Иако од поодамна се реши, исплатата на акцијата на Макпетрол во ГА-МА е навистина конечно решение за еден децениски проблем со кој во последниот период особено занчајно се доведуваше во прашање функционалноста на целиот проект на гасификација во државата, а веќе во повеќе наврати за овој проблем алармираше и Енергетската заедница за што Македонија можеше да добие и казни. 

Во последните неколку недели единствено Струмица од источниот регион бележи висок број на новозаразени со корона вирусот. Епидемиолозите сметаат дека четвртиот бран во овој град нагло почна и очекуваат во наредниот период бројот на нови случаи да се зголемува.